హుజురాబాద్,సెప్టెంబర్ 22(తెలంగాణ ముచ్చట్లు ):
సమాచార హక్కు చట్టం సాధన(ఎస్ హెచ్ సి ఎస్ సి )కమిటీ కరీంనగర్ జిల్లా హుజురాబాద్ మండల కన్వీనర్గా పిట్ట శ్రీనివాస్ ఏకగ్రీవంగా ఎన్నికయ్యారు. కమిటీ నాయకులు, సభ్యుల సమక్షంలో శ్రీనివాస్ను మండల కన్వీనర్గా ఏకగ్రీవంగా ఎన్నుకొని బాధ్యతలు అప్పగించారు.
ఈ సందర్భంగా పిట్ట శ్రీనివాస్ మాట్లాడుతూ, సమాచార హక్కు చట్టం ద్వారా ప్రజలకు ప్రభుత్వ పాలనపై అవసరమైన సమాచారాన్ని తెలుసుకునే అవకాశం ఉందని, అయితే చాలామందికి చట్టంపై పూర్తి అవగాహన లేకపోవడంతో ఆర్టీఐ వినియోగంపై ప్రజల్లో చైతన్యం తీసుకురావాల్సిన అవసరం ఉందన్నారు. హుజురాబాద్ మండల పరిధిలోని ప్రజలకు ఆర్టీఐ చట్టంపై అవగాహన కల్పించేందుకు ప్రత్యేక కార్యక్రమాలు నిర్వహిస్తానని తెలిపారు.
ప్రభుత్వ శాఖల్లో ప్రజలకు సంబంధించిన సమాచారం పారదర్శకంగా అందుబాటులో ఉండేలా చట్టబద్ధమైన మార్గాల్లో కృషి చేస్తామని, ఆర్టీఐ చట్టాన్ని ప్రతి ఒక్కరూ బాధ్యతాయుతంగా, నిబంధనలకు అనుగుణంగా వినియోగించుకునేలా అవగాహన కల్పిస్తామని శ్రీనివాస్ పేర్కొన్నారు. గ్రామీణ ప్రాంతాల్లో కూడా సమాచార హక్కు చట్టంపై అవగాహన పెంచేందుకు కార్యక్రమాలను విస్తరించనున్నట్లు తెలిపారు.
తనపై నమ్మకం ఉంచి హుజురాబాద్ మండల కన్వీనర్గా ఏకగ్రీవంగా ఎన్నుకున్న సమాచార హక్కు చట్టం సాధన కమిటీ జాతీయ అధ్యక్షులు డాక్టర్ చంటి ముదిరాజ్, నియోజకవర్గ అధ్యక్షులు తిరగమల్ల నాగార్జున, జిల్లా కన్వీనర్ బండ నరేందర్కు పిట్ట శ్రీనివాస్ ప్రత్యేక కృతజ్ఞతలు తెలిపారు.
కమిటీ అప్పగించిన బాధ్యతలను సమర్థవంతంగా నిర్వహిస్తూ, ప్రజలకు అందుబాటులో ఉంటానని ఆయన చెప్పారు. ప్రజలకు ఎదురయ్యే సమస్యలకు సంబంధించి అవసరమైన సమాచారాన్ని చట్టపరమైన విధానాల్లో పొందేలా అవగాహన కల్పించడంతో పాటు, సమాచార హక్కు చట్టం లక్ష్యాలు ప్రజలకు చేరేలా కృషి చేస్తానని తెలిపారు.
హుజురాబాద్ మండలంలోని వివిధ గ్రామాల్లో ప్రజా అవగాహన కార్యక్రమాలు నిర్వహించి, యువత, ప్రజా సంఘాలు, సామాజిక కార్యకర్తలకు ఆర్టీఐ చట్టంపై అవగాహన కల్పించేందుకు చర్యలు చేపడతామని శ్రీనివాస్ పేర్కొన్నారు. తనకు అప్పగించిన బాధ్యతను నిబద్ధతతో నిర్వర్తిస్తూ కమిటీ అభివృద్ధికి, ప్రజల అవగాహన పెంపునకు కృషి చేస్తానని ఆయన స్పష్టం చేశారు.
Comments