స్టేషన్ ఘనపూర్, సెప్టెంబర్ 22 (తెలంగాణ ముచ్చట్లు):
స్టేషన్ ఘనపూర్ పట్టణ కాంగ్రెస్ పార్టీ అధికార ప్రతినిధిగా పోశాల కృష్ణమూర్తి నియమితులయ్యారు. పార్టీ కోసం నిత్యం కృషి చేస్తున్న ఆయన సేవలను గుర్తించి పార్టీ అధిష్ఠానం ఈ బాధ్యతలు అప్పగించినట్లు నాయకులు తెలిపారు.పట్టణంలో పార్టీ కార్యక్రమాలను, ప్రభుత్వం అమలు చేస్తున్న సంక్షేమ పథకాలను ప్రజల్లోకి తీసుకెళ్లడంతో పాటు ప్రతిపక్షాల విమర్శలకు సమర్థవంతంగా సమాధానం ఇవ్వడంలో కృష్ణమూర్తి కీలక పాత్ర పోషిస్తారని నాయకులు ఆకాంక్షించారు.ఈ సందర్భంగా పోశాల కృష్ణమూర్తి మాట్లాడుతూ తనకు పట్టణ అధికార ప్రతినిధిగా బాధ్యతలు అప్పగించిన ఎమ్మెల్యే కడియం శ్రీహరి, ఎంపీ కడియం కావ్యకు ప్రత్యేక కృతజ్ఞతలు తెలిపారు. తన నియామకానికి సహకరించిన మునిసిపల్ చైర్మన్ తాటికొండ వినయ్ కుమార్, పట్టణ అధ్యక్షుడు అంబటి కిషన్ రాజుతో పాటు ఇతర నాయకులకు ధన్యవాదాలు తెలిపారు.
తనపై నమ్మకంతో అప్పగించిన బాధ్యతలను సమర్థవంతంగా నిర్వహిస్తూ పార్టీ బలోపేతానికి కృషి చేస్తానని కృష్ణమూర్తి తెలిపారు.
అనంతరం పోశాల కృష్ణమూర్తిని పట్టణ కాంగ్రెస్ నాయకులు, కార్యకర్తలు ఘనంగా సన్మానించి శుభాకాంక్షలు తెలిపారు.
Comments