వేలేరు, సెప్టెంబర్ 22 (తెలంగాణ ముచ్చట్లు):
వేలేరు మండలం పీచర గ్రామంలో పోలీసులు పెట్రోలింగ్ నిర్వహిస్తున్న సమయంలో అక్రమంగా ఇసుక రవాణా చేస్తున్న ట్రాక్టర్ను పట్టుకుని కేసు నమోదు చేసినట్లు వేలేరు ఎస్సై సురేష్ తెలిపారు.
ఎస్సై తెలిపిన వివరాల ప్రకారం, పీచర గ్రామ శివారులో కొండాపూర్ గ్రామానికి చెందిన పుట్ట రాజు తనకు చెందిన ట్రాక్టర్లో ఇసుకను లోడ్ చేసుకుని ఎలాంటి అనుమతులు లేకుండా అక్రమంగా రవాణా చేస్తుండగా పోలీసులు గుర్తించారు. వెంటనే ట్రాక్టర్ను స్వాధీనం చేసుకుని సంబంధిత వ్యక్తిపై కేసు నమోదు చేసినట్లు తెలిపారు.
అక్రమ ఇసుక రవాణాపై ప్రత్యేక నిఘా కొనసాగుతోందని, నిబంధనలకు విరుద్ధంగా ఇసుక తరలించే వారిపై కఠిన చర్యలు తీసుకుంటామని ఎస్సై సురేష్ హెచ్చరించారు.
Comments