---పెద్దమందడి ఎస్సై శివకుమార్
వనపర్తి జిల్లా ప్రతిని తెలంగాణ ముచ్చట్లు:
గణేష్ మండపాల నిర్వాహకులకు పెద్దమందడి ఎస్ఐ శివకుమార్ అవగాహన కల్పించారు. బుధవారం పెద్దమందడి పోలీస్ స్టేషన్ ఆవరణంలో గణేష్ మండపాలు ఏర్పాటు చేసే నిర్వాహకులతో సమావేశం నిర్వహించారు. గణేష్ మండపాల కోసం విధిగా అనుమతులు తీసుకోవాలని ఎస్ఐ శివకుమార్ అన్నారు. గణేష్ నిర్వాహకులు పోలీసుల సూచనలు పాటించాలని అలాగే పోలీస్ శాఖ వారు రూపొందించిన పోర్టల్ ద్వారా వివరాలను తప్పకుండా నమోదు చేయాలని అన్నారు. మండల ప్రజలు శాంతియుతంగా గణేష్ ఉత్సవాలను జరుపుకోవాలని సూచించారు. శబ్ద కాలుష్యం ఉపయోగించకూడదని, రాత్రివేళ, మండపాల వద్ద కమిటీ సభ్యులు కాపలా ఉండాలని అన్నారు. గణేష్ మండపాల నిర్వాహకులకు పోలీసులకు పూర్తిగా సహకరించాలని కోరారు. గణేష్ నిమజ్జనానికి రూట్ మ్యాప్ తయారు చేసుకోవాలని సూచించారు. మండల ప్రజలందరూ భక్తిశ్రద్ధలతో గణేష్ ఉత్సవాలను జరుపుకోవాలని పెద్దమందడి ఎస్సై శివకుమార్ కోరారు. ఈ కార్యక్రమంలో పోలీస్ సిబ్బంది గణేష్ మండపాల నిర్వాహకులు పాల్గొన్నారు.
Comments