వనపర్తి జిల్లా ప్రతినిధి తెలంగాణ ముచ్చట్లు:
వనపర్తి జిల్లా పెద్దమందడి గ్రామంలో గణేష్ మండపాల నిర్వాహకులతో వనపర్తి సబ్ డివిజనల్ పోలీస్ ఆఫీసర్, కొత్తకోట సిఐ రాంబాబు, పెద్దమందడి ఎస్సై శివకుమార్ ఆధ్వర్యంలో బుధవారం సాయంత్రం పోలీసులు సమావేశం నిర్వహించారు. ఈ సందర్భంగా పోలీసు అధికారులు గణేష్ మండప నిర్వాహకులతో మాట్లాడుతూ... వినాయక చవితి పండుగ సందర్భంగా పెద్దమందడి మండల కేంద్రంలో గణేష్ మండప నిర్వాహకులు తప్పనిసరిగా ముందస్తు అనుమతి తీసుకోవాలని నిర్వాహకులకు తెలిపారు. ట్రాఫిక్ కు ఇబ్బందులు లేకుండా, ఏలాంటి ఆవంచనియ సంఘటనలు జరగకుండా నిర్వాహకులు జాగ్రత్తలు తీసుకోవాలని పలు సూచనలు చేశారు. ఎట్టి పరిస్థితిలోనూ లౌడ్స్ స్పీకర్స్ (డి జె) వాడకూడదని సూచించారు. నిమజ్జనానికి సంబంధించిన వాహనాల వివరాలను తెలియజేయాలని అన్నారు. శాంతియుత వాతావరణం లో గణేష్ ఉత్సవాలను జరుపుకోవాలని పోలీసు అధికారులు నిర్వాహకులకు తెలియజేశారు. ఈ కార్యక్రమంలో పెద్దమందడి సింగిల్ విండో అధ్యక్షులు విష్ణువర్ధన్ రెడ్డి, మాజీ జెడ్పిటిసి కొమ్ము వెంకటస్వామి, సూర్య రవి, రాఘవేందర్, కురుమూర్తి తదితరులు పాల్గొన్నారు.
Comments