బ్రెజిల్లో ఘోర విమాన ప్రమాదం చోటుచేసుకుంది.. ఆగస్టు 9న శుక్రవారం సావో పాలోలోని విన్హెడోలో జరిగిన విమాన ప్రమాదంలో అందులో ఉన్న మొత్తం 61 మంది మరణించారు. ప్రాంతీయ క్యారియర్ వోపాస్ కు చెందిన ఈ విమానం స్థానిక కాలమానం ప్రకారం మధ్యాహ్నం 1:30 గంటల సమయంలో జరిగింది.. పరానాలోని కాస్కావెల్ నుంచి సావో పాలో గౌరుల్హోస్ అంతర్జాతీయ విమానాశ్రయానికి వెళ్తుండగా.. విన్హెడో నగరంలోని నివాస ప్రాంతంలో విమానం కుప్పకూలింది.. దీంతో విమానంలో ఉన్న 61 మంది దుర్మరణం చెందారు. విమానంలో 57 మంది ప్రయాణికులు, నలుగురు సిబ్బంది ఉన్నారు విమానం నివాస ప్రాంతంలో కుప్పకూలడంతో భారీగా మంటలు ఎగసి పడ్డాయి.. అయితే., అదృష్టవశాత్తూ, స్థానిక నివాసితులు ఎవరూ గాయపడలేదని అధికారులు తెలిపారు. విమాన ప్రమాదంలో ఒక ఇల్లు దెబ్బ తిన్నదని.. ఈ ఘటనకు గల కారణాలను అన్వేషిస్తున్నామని బ్రెజిల్ అధికారులు వెల్లడించారు.
Comments