కరీంనగర్, నవంబర్ 11 (తెలంగాణ ముచ్చట్లు):
అభివృద్ధి కార్యక్రమాలలో భాగంగా బుధవారం డివిజన్‌లో జరుగుతున్న సీసీ రోడ్ల నిర్మాణ పనులను బీజేపీ రాష్ట్ర అధికార ప్రతినిధి, నగర డిప్యూటీ మేయర్, మాజీ మేయర్ యాదగిరి సునీల్ రావు పరిశీలించారు. ఈ సందర్భంగా సంబంధిత అధికారులకు పలు సూచనలు చేశారు.
రోడ్ల నిర్మాణంలో ఎలాంటి ఇబ్బందులు లేకుండా, నాణ్యతా ప్రమాణాలు పాటిస్తూ చాలా కాలం పాటు మన్నికగా ఉండేలా పనులు చేపట్టాలని కాంట్రాక్టర్, అధికారులను ఆదేశించారు. త్వరితగతిన పనులు పూర్తి చేసి ప్రజలకు నాణ్యమైన, అందమైన సీసీ రోడ్లను అందుబాటులోకి తీసుకురావాలని సూచించారు.
ఈ కార్యక్రమంలో మున్సిపల్ అధికారులు, డివిజన్ వాసులు తదితరులు పాల్గొన్నారు.
Comments