ఐకేపీ ధాన్యం కొనుగోలు కేంద్రాన్ని ప్రారంభించిన ఎమ్మెల్యే కడియం శ్రీహరి.

దళారుల చేతుల్లో మోసపోకుండా ప్రభుత్వ కొనుగోలు కేంద్రాల్లోనే ధాన్యం విక్రయించాలి.

వేలేరు, నవంబర్ 11 (తెలంగాణ ముచ్చట్లు):

ప్రభుత్వ కొనుగోలు కేంద్రాల ద్వారా ధాన్యం సేకరణ సక్రమంగా జరగాలని, అధికారులు సమన్వయంతో పనిచేసి రైతులకు ఎలాంటి ఇబ్బందులు కలగకుండా చూడాలని ఆదేశించారు. రైతులకు నష్టం జరగకుండా ప్రభుత్వమే ధాన్యాన్ని కొనుగోలు చేయాలని స్పష్టం చేశారు.
అనంతరం వేలేరు రైతు వేదికలో నిర్వహించిన కార్యక్రమంలో కల్యాణలక్ష్మి, షాదీ ముబారక్ పథకాల లబ్ధిదారులకు ఎమ్మెల్యే కడియం శ్రీహరి చెక్కులను పంపిణీ చేశారు. పేద, మధ్యతరగతి కుటుంబాలకు ఆర్థిక భరోసా కల్పించడమే లక్ష్యంగా ప్రభుత్వం సంక్షేమ పథకాలను అమలు చేస్తోందన్నారు. స్టేషన్ ఘన్‌పూర్ నియోజకవర్గంలో ప్రతి నెలా సుమారు రూ.3 కోట్ల మేర సీఎం సహాయనిధి ద్వారా లబ్ధిదారులకు ఆర్థిక సహాయం అందిస్తున్నట్లు వివరించారు. అర్హులైన ప్రతి ఒక్కరికీ ప్రభుత్వ పథకాలు అందేలా ప్రజాప్రతినిధులు, అధికారులు కృషి చేయాలని సూచించారు.
ఈ కార్యక్రమంలో వేలేరు సర్పంచ్ బిల్లా యాదగిరి, కాంగ్రెస్ మండల అధ్యక్షుడు మురావత్ లక్ష్మణ్ నాయక్, తహశీల్దార్ కోమి, ఏఓ అనిత, ఎంపీడీఓ కిషన్ నాయక్, వివిధ గ్రామాల సర్పంచులు, అధికారులు, కాంగ్రెస్ నాయకులు, రైతులు, లబ్ధిదారులు తదితరులు పాల్గొన్నారు. IMG-20261111-WA0016