ముల్కనూర్, నవంబర్ 7 (తెలంగాణ ముచ్చట్లు):
ముల్కనూర్‌లోని ఏకేవీఆర్ జూనియర్ మరియు డిగ్రీ కళాశాలలో జాతీయ సేవా పథకం (ఎన్ఎస్ఎస్) ఆధ్వర్యంలో ముందస్తు దీపావళి వేడుకలను ఘనంగా నిర్వహించారు. ఈ సందర్భంగా పర్యావరణ పరిరక్షణే లక్ష్యంగా గ్రీన్ దీపావళి కార్యక్రమాన్ని చేపట్టారు.
బాణసంచా కాల్చడం వల్ల ఏర్పడే వాయు, శబ్ద కాలుష్యాన్ని నివారిస్తూ పర్యావరణహితంగా దీపావళి పండుగను జరుపుకోవాలని విద్యార్థులకు అవగాహన కల్పించారు.
ఈ సందర్భంగా కళాశాల ప్రిన్సిపాల్ భూపతి శ్రీకాంత్ మాట్లాడుతూ.. దీపావళి వెలుగుల పండుగ అని, పర్యావరణానికి హాని కలగకుండా ప్రతి ఒక్కరూ బాధ్యతాయుతంగా వేడుకలు జరుపుకోవాలని సూచించారు. ఎన్ఎస్ఎస్ ఆధ్వర్యంలో నిర్వహించిన గ్రీన్ దీపావళి కార్యక్రమం విద్యార్థుల్లో పర్యావరణ పరిరక్షణ పట్ల చైతన్యం పెంపొందించడానికి దోహదపడుతుందని పేర్కొన్నారు.
ఈ కార్యక్రమంలో కళాశాల అధ్యాపకులు, అధ్యాపకేతర సిబ్బంది పాల్గొన్నారు.
కాలుష్యరహిత దీపావళి.. ఆరోగ్యకరమైన సమాజానికి పునాది!
Comments