కరీంనగర్ కిడ్స్ కేర్ సెంటర్‌లో ఘనంగా ముందస్తు దీపావళి వేడుకలు.

సాంప్రదాయ దుస్తుల్లో సందడి చేసిన చిన్నారులు.

కరీంనగర్, నవంబర్ 7 (తెలంగాణ ముచ్చట్లు):

కరీంనగర్ కిడ్స్ కేర్ సెంటర్ & ఇంగ్లీష్ మీడియం స్కూల్‌లో ముందస్తు దీపావళి వేడుకలను ఘనంగా నిర్వహించారు. ఈ సందర్భంగా పాఠశాల చిన్నారులు సాంప్రదాయ దుస్తుల్లో ఎంతో ముద్దుగా అలంకరించుకుని, ఉత్సాహంగా వేడుకల్లో పాల్గొన్నారు. చిన్నారులు “శుభ దీపావళి”, “హ్యాపీ దివాళి” అంటూ నినాదాలు చేస్తూ సందడి చేశారు. అనంతరం ప్రమిదలు వెలిగించి, రంగురంగుల రంగవల్లులు దిద్దుతూ పండుగ సంబరాలను ఆనందంగా జరుపుకున్నారు.

ఈ సందర్భంగా విద్యార్థులకు స్వీట్లు, ప్రసాదం పంపిణీ చేశారు. పాఠశాల ఉపాధ్యాయులు వేడుకల్లో చురుకుగా పాల్గొన్నారు. పాఠశాల కరస్పాండెంట్ జక్కుల గిరిబాబు కార్యక్రమానికి హాజరై చిన్నారులను ఉత్సాహపరిచి ఆశీర్వదించారు. దీపావళి పండుగ విశిష్టతను, చీకటిని పారద్రోలి వెలుగులు నింపే ఈ పండుగ అంతరార్థాన్ని పిల్లలకు వివరించారు.

పండుగ వాతావరణంలో చిన్నారుల ఆనందోత్సాహాల మధ్య వేడుకలు ఘనంగా ముగిశాయి.