వినాయకనగర్, ఫిబ్రవరి 09 (తెలంగాణ ముచ్చట్లు):
మల్కాజ్గిరి నియోజకవర్గం వినాయకనగర్ డివిజన్ పరిధిలోని వాజ్పాయి నగర్లో ఉన్న మల్కాజ్గిరి డిగ్రీ కళాశాలలో జీహెచ్ఎంసీ (జీఎంసీ) ద్వారా మంజూరైన క్రీడా సామగ్రిని కళాశాలకు విరాళంగా అందజేశారు. ఈ కార్యక్రమంలో వినాయకనగర్ డివిజన్ కార్పొరేటర్ క్యానం రాజ్యలక్ష్మి, కళాశాల ప్రిన్సిపాల్, అధ్యాపక సిబ్బంది పాల్గొన్నారు.ఈ సందర్భంగా కార్పొరేటర్ క్యానం రాజ్యలక్ష్మి మాట్లాడుతూ, క్రీడలు ఆడటం వల్ల శరీరం ఆరోగ్యంగా ఉండటంతో పాటు మనస్సు కూడా చురుకుగా ఉంటుందని తెలిపారు. ఆరోగ్యకరమైన శరీరంలోనే ఆరోగ్యకరమైన మనస్సు ఉంటుందని, దాని వల్ల విద్యార్థులు చదువుపై ఏకాగ్రత సాధించి మెరుగైన ఫలితాలు సాధించగలరని అన్నారు.అదేవిధంగా జట్టు క్రీడలు ఆడటం ద్వారా సహకారం, పరస్పర గౌరవం వంటి విలువలు అలవడతాయని పేర్కొన్నారు. చదువుతో పాటు క్రీడలకు సమయాన్ని కేటాయించడం ద్వారా సమయ నిర్వహణ, క్రమశిక్షణ వంటి లక్షణాలు విద్యార్థుల్లో పెరుగుతాయని ఆమె తెలిపారు.కళాశాల ప్రిన్సిపాల్ మాట్లాడుతూ, విద్యార్థుల సర్వాంగీన అభివృద్ధికి క్రీడలు కీలకమని పేర్కొంటూ, స్పోర్ట్స్ ఐటమ్స్ అందజేసిన కార్పొరేటర్ క్యానం రాజ్యలక్ష్మికి కృతజ్ఞతలు తెలిపారు. ఈ కార్యక్రమం విద్యార్థుల్లో క్రీడల పట్ల మరింత ఉత్సాహాన్ని పెంచుతుందని ఆయన అన్నారు.
Comments