పెద్దమందడి,ఫిబ్రవరి09(తెలంగాణ ముచ్చట్లు);
పెద్దమందడి మండలం మోజర్ల గ్రామ పరిధిలోని బుర్రవాగు సమీపంలో నివసిస్తున్న గంగిరెద్దుల కుటుంబాలు విద్యుత్ కొరతతో తీవ్ర ఇబ్బందులు ఎదుర్కొంటున్న విషయం గ్రామ సర్పంచ్ చంద్రశేఖర్ దృష్టికి వచ్చింది. ఈ సమస్యపై ఆయన వెంటనే స్పందించారు.సర్పంచ్ చొరవతో విద్యుత్ శాఖ ఏఈతో సంప్రదింపులు జరిపి,అవసరమైన విద్యుత్ స్థంభాలు ఏర్పాటు చేయించారు. దీంతో గంగిరెద్దుల కుటుంబాలకు విద్యుత్ సౌకర్యం అందుబాటులోకి వచ్చి వారి దీర్ఘకాల సమస్యకు పరిష్కారం లభించింది.
ఈ సందర్భంగా విద్యుత్ సమస్యను పరిష్కరించిన గ్రామ సర్పంచ్ చంద్రశేఖర్కు గంగిరెద్దుల కుటుంబాలు కృతజ్ఞతలు తెలిపారు.
Comments