ఎల్కతుర్తి మండలాన్ని కమ్మేసిన దట్టమైన పొగమంచు

ఎల్కతుర్తి. ఫిబ్రవరి 09( తెలంగాణ ముచ్చట్లు)

ఎల్కతుర్తి మండలంలో సోమవారం ఉదయం 8 గంటలైనా కూడా దట్టమైన పొగమంచు పూర్తిగా కమ్మేసింది. ఒక్కసారిగా ఏర్పడిన ఈ ఘనమైన పొగమంచు కారణంగా వాహనదారులు తీవ్ర ఇబ్బందులు ఎదుర్కొన్నారు.
దృశ్యమానం తగ్గిపోవడంతో వాహనదారులు తమ వాహనాల ముందు భాగం లైట్లను ఆన్ చేసుకుని ప్రయాణించాల్సి వచ్చింది. ఉదయం 8 గంటలు దాటినా కూడా పొగమంచు తగ్గకపోవడంతో రహదారులపై ప్రయాణం ప్రమాదకరంగా మారింది.
చూడడానికి ఆహ్లాదకరంగా కనిపించినప్పటికీ, దట్టమైన పొగమంచు కారణంగా ప్రజలు, ముఖ్యంగా వాహనదారులు తీవ్ర అసౌకర్యానికి గురయ్యారు. అధికారులు మరియు వాహనదారులు అప్రమత్తంగా ఉండాలని సూచిస్తున్నారు. IMG-20260209-WA0091