పెద్దమందడి,ఫిబ్రవరి09(తెలంగాణ ముచ్చట్లు):
పెద్దమందడి మండలంలోని అంగన్వాడీ మొదటి సెంటర్లో పనిచేస్తున్న టీచర్ చిట్టమ్మ ఆదివారం తెల్లవారుజామున గుండెనొప్పితో మృతి చెందారు. ఈ ఘటనకు సంబంధించి విషయం వనపర్తి ఎమ్మెల్యే మేఘరెడ్డి దృష్టికి తీసుకువెళ్లగా ఆయన స్పందించారు.అంగన్వాడీ టీచర్లు లేదా హెల్పర్లు మృతి చెందితే తన వంతు ఆర్థిక సహాయం అందిస్తానని మేఘరెడ్డి గతంలో తెలిపారు.గతంలో వెల్టూర్ ప్రాంతంలో అంగన్వాడీ సిబ్బంది మృతి చెందిన సందర్భాల్లో కూడా ఆయన ఆర్థిక సహాయం అందించినట్లు గుర్తు చేశారు.ఈ ఘటనపై పెద్దమందడి మండల సర్పంచ్ గంగ రవి స్పందించి, మృతురాలి కుటుంబానికి రూ.5,000/- రూపాయల ఆర్థిక సహాయం అందజేశారు.ఈ సందర్భంగా పెద్దమందడి మండలం అంగన్వాడీ టీచర్లు మరియు హెల్పర్ల తరఫున బి. నారాయణమ్మ, రమాదేవి, రాఘవేంద్రమ్మ, రాణి తమ కృతజ్ఞతలు తెలియజేశారు.
Comments