18 ఏళ్లు నిండిన ప్రతి ఒక్కరూ ఓటు హక్కు నమోదు చేసుకోవాలి.

పామిరెడ్డిపల్లి జిపిఓ నాగరాజు.

పెద్దమందడి,సెప్టెంబర్13(తెలంగాణ ముచ్చట్లు):

18 సంవత్సరాలు నిండిన ప్రతి ఒక్కరూ తమ ఓటు హక్కును నమోదు చేసుకోవాలని వనపర్తి జిల్లా పెద్దమందడి మండలం పామిరెడ్డిపల్లి జిపిఓ నాగరాజు సూచించారు. అర్హత కలిగిన కొత్త ఓటర్ల కోసం ఫారం-6 దరఖాస్తులను స్వీకరించడం జరుగుతోందని తెలిపారు.18 సంవత్సరాలు నిండిన యువతీ, యువకులతో పాటు ఇప్పటివరకు ఓటరుగా నమోదు కాని అర్హులైన ప్రతి ఒక్కరూ ఈ అవకాశాన్ని సద్వినియోగం చేసుకుని ఓటరు జాబితాలో తమ పేరును నమోదు చేసుకోవాలని కోరారు.ఓటరు నమోదుకు సంబంధించి తమ పరిధిలోని బి ఎల్ ఓ లను సంప్రదించి ఫారం-6ను సమర్పించాలని జిపిఓ నాగరాజు సూచించారు.పిఎస్ -79, 80, 81, 83 పరిధిలోని అర్హులైన ప్రతి ఒక్కరూ ఓటు హక్కు నమోదు ప్రక్రియలో భాగస్వాములు కావాలని ఆయన కోరారు. ఈ కార్యక్రమంలో రెవెన్యూ సిబ్బంది, బి ఎల్ ఓ లు, గ్రామస్తులు పాల్గొన్నారు.