పెద్దమందడి,సెప్టెంబర్29(తెలంగాణ ముచ్చట్లు):
వనపర్తి జిల్లా పెద్దమందడి మండలం వెల్టూర్ గ్రామానికి తెలంగాణ పబ్లిక్ స్కూల్ మంజూరు కావడం పట్ల పెద్దమందడి టీడీపీ మండల అధ్యక్షుడు శ్రీనివాస్ రెడ్డి మంగళవారం ఒక ప్రకటనలో హర్షం వ్యక్తం చేశారు. పాఠశాల భవన నిర్మాణానికి శంకుస్థాపన కార్యక్రమానికి వెల్టూర్ కు విచ్చేసిన మంత్రులు పొంగులేటి శ్రీనివాస్ రెడ్డి, వాకిటి శ్రీహరి స్థానిక ఎమ్మెల్యే మేఘా రెడ్డికి ఆయన ప్రత్యేక ధన్యవాదాలు తెలిపారు.గ్రామానికి పబ్లిక్ స్కూల్ మంజూరు చేయడంతో విద్యార్థులకు మెరుగైన విద్యా అవకాశాలు అందుబాటులోకి వస్తాయని అన్నారు. ఇదే సందర్భంగా వెల్టూర్ గ్రామాన్ని మండల కేంద్రంగా ప్రకటిస్తామని మంత్రి పొంగులేటి శ్రీనివాస్ రెడ్డి హామీ ఇవ్వడం సంతోషకరమని పేర్కొన్నారు. గ్రామ అభివృద్ధికి కృషి చేసిన స్థానిక ఎమ్మెల్యేకు శ్రీనివాస్ రెడ్డి ప్రత్యేక కృతజ్ఞతలు తెలిపారు. పబ్లిక్ స్కూల్ ఏర్పాటు, మండల కేంద్రం హామీతో వెల్టూర్ అభివృద్ధికి మరింత ఊతం లభిస్తుందని ఆయన ఆశాభావం వ్యక్తం చేశారు.
Comments