స్టేషన్ ఘన్‌పూర్, అక్టోబర్ 1 (తెలంగాణ ముచ్చట్లు):
స్టేషన్ ఘన్‌పూర్ మున్సిపాలిటీ పరిధిలోని చాగల్లులో అంగన్‌వాడీ కేంద్రంలో గురువారం పోషణ మాస ఉత్సవాలను ఘనంగా నిర్వహించారు. ఈ సందర్భంగా తల్లిపాల ప్రాముఖ్యత, పోషకాహారం, చిన్నారులకు పూర్వ ప్రాథమిక విద్యపై తల్లులకు అవగాహన కల్పించారు.
తల్లులు వివిధ రకాల బలవర్ధక, పోషకాహార వంటకాలను తయారు చేసి ప్రదర్శించారు. చిన్నారుల ఆరోగ్యానికి పోషకాహారం ఎంతో అవసరమని నిర్వాహకులు వివరించారు.కార్యక్రమంలో ఏసీడీపీవో శోభారాణి, అంగన్‌వాడీ ఉపాధ్యాయులు అరుణ, తిరుమల, రమ, జయలక్ష్మి, మరియ, ఏఎన్‌ఎం, ఆశా కార్యకర్తలు, తల్లులు, చిన్నారులు పాల్గొన్నారు.
Comments