పెద్దమందడి,సెప్టెంబర్30(తెలంగాణ ముచ్చట్లు):
వనపర్తి జిల్లా పెద్దమందడి మండల విద్యాధికారిగా విధులు నిర్వహించిన మంజులత ఉద్యోగ విరమణ కార్యక్రమం ఘనంగా నిర్వహించారు. ఈ కార్యక్రమానికి పలువురు ఉపాధ్యాయులు, ప్రధానోపాధ్యాయులు, వివిధ మండలాల విద్యాధికారులు, తోటి ఉపాధ్యాయులు హాజరై మంజులతకు ఉద్యోగ విరమణ శుభాకాంక్షలు తెలిపారు.ఈ సందర్భంగా పలువురు మాట్లాడుతూ.. విద్యారంగానికి మంజులత అందించిన సేవలు అభినందనీయమని కొనియాడారు. ఉద్యోగ విరమణ అనంతరం ఆమె సుఖసంతోషాలతో, ఆయురారోగ్యాలతో ప్రశాంతమైన జీవితం గడపాలని ఆకాంక్షించారు.అనంతరం మంజులత మాట్లాడుతూ.. సుదీర్ఘకాలం విద్యారంగానికి సేవలందించడం ఎంతో సంతోషంగా ఉందన్నారు. తన విధి నిర్వహణలో ఉపాధ్యాయులు అందించిన సహకారం మరువలేనిదని, వారి సహకారంతోనే బాధ్యతలను సమర్థవంతంగా నిర్వర్తించగలిగానని తెలిపారు. విద్యార్థులు క్రమశిక్షణ, నిజాయితీని అలవర్చుకుని ఉన్నత శిఖరాలను అధిరోహించాలని సూచించారు.కార్యక్రమంలో ఉపాధ్యాయులు, విద్యాశాఖ అధికారులు, సిబ్బంది తదితరులు పాల్గొని మంజులతను ఘనంగా సన్మానించి జ్ఞాపికలు అందజేశారు.
Comments