హనుమకొండ, జూలై 21 (తెలంగాణ ముచ్చట్లు):
హనుమకొండలోని ఇందిరమ్మ కాలనీ వాసులు సీతలా పండుగను భక్తిశ్రద్ధలతో ఘనంగా నిర్వహించారు. ఈ వేడుకలకు ముఖ్య అతిథిగా డీసీసీ ఎస్టీ సెల్ వరంగల్ జిల్లా చైర్మన్ గుగులోత్ రవీందర్ నాయక్ హాజరయ్యారు.
ఈ సందర్భంగా కాలనీ వాసులు గుగులోత్ రవీందర్ నాయక్ను శాలువాతో ఘనంగా సత్కరించారు.అనంతరం ఆయన మాట్లాడుతూ, తమ కుల సంప్రదాయాలు, ఆచారాలను ప్రతి ఒక్కరూ పరిరక్షించుకోవడంతో పాటు భావితరాలకు అందించాలని పిలుపునిచ్చారు. అలాగే సత్గురు శ్రీ సేవలాల్ మహారాజ్ ఆలయ నిర్మాణానికి కాలనీ వాసులందరూ సహకరించాలని కోరారు.ఈ కార్యక్రమంలో కాలనీ కమిటీ అధ్యక్షుడు ధరవత్ మోహన్, భూక్యా వినోద్ కుమార్, గుగులోత్ రమేష్, పూజారి ధరవత్ భద్రు నాయక్, ఇస్లావత్ ఈరు, మాలోత్ వెంకటేష్, ఇస్లావత్ కృష్ణ, మైళ్లలు తదితరులు పాల్గొన్నారు.
Comments