వన మహోత్సవం సందర్భంగా వంగర గ్రామ ప్రజలకు మొక్కల పంపిణీ చేసిన సర్పంచ్ గజ్జల సృజన రమేష్.

భీమదేవరపల్లి, జూలై 21 (తెలంగాణ ముచ్చట్లు): వన

మహోత్సవం కార్యక్రమంలో భాగంగా వంగర గ్రామంలో గ్రామ ప్రజలకు వివిధ రకాల మొక్కలను గ్రామ సర్పంచ్ గజ్జల సృజన రమేష్ పంపిణీ చేశారు.

ఈ సందర్భంగా సర్పంచ్ గజ్జల సృజన రమేష్ మాట్లాడుతూ, పర్యావరణ పరిరక్షణ ప్రతి ఒక్కరి బాధ్యత అని పేర్కొన్నారు. ప్రతి కుటుంబం కనీసం ఒక మొక్కను నాటి, దానిని సంరక్షించాలని పిలుపునిచ్చారు. మొక్కలు నాటడం వల్ల వాతావరణ సమతుల్యత కాపాడబడటంతో పాటు భవిష్యత్ తరాలకు స్వచ్ఛమైన గాలి, ఆరోగ్యకరమైన జీవన వాతావరణం అందుతుందని తెలిపారు.

గ్రామాన్ని మరింత పచ్చదనంతో నింపేందుకు గ్రామపంచాయతీ ఆధ్వర్యంలో నిరంతరం హరిత కార్యక్రమాలు నిర్వహిస్తామని, ప్రజలందరూ మొక్కలు నాటి వాటి సంరక్షణలో భాగస్వాములు కావాలని కోరారు.

ఈ కార్యక్రమంలో గ్రామ పెద్దలు, మహిళలు, యువతతో పాటు గ్రామ ప్రజలు పాల్గొని మొక్కలను స్వీకరించారు. వాటిని సంరక్షించి పెంచుతామని హామీ ఇచ్చారు. "ఒక్క ఇంటికి ఒక మొక్క... పచ్చని గ్రామం – ఆరోగ్యకరమైన భవిష్యత్తు" అనే నినాదంతో కార్యక్రమం విజయవంతంగా నిర్వహించారు.