భారీ వర్షాన్నీ లెక్కచేయని అన్నపూర్ణ సేవా సమితి.

నిరంతర నిత్యాన్నదాన సేవ.

జమ్మికుంట టౌన్ జూలై 29 (తెలంగాణ ముచ్చట్లు):

జమ్మికుంట పట్టణంలోని శ్రీ విశ్వేశ్వర స్వామి దేవాలయం (బొమ్మల గుడి)లో అన్నపూర్ణ సేవాసమితి ఆధ్వర్యంలో గత నాలుగు సంవత్సరాలుగా దాతల సహాయ సహకారాలతో నిరంతర నిత్యాన్నదాన కార్యక్రమం నిర్వహిస్తున్నారు.
ఈ సందర్భంగా మంగళవారం రాత్రి నుంచి కురుస్తున్న భారీ వర్షాన్ని సైతం లెక్కచేయకుండా అన్నపూర్ణ సేవాసమితి సభ్యులు సేవా స్పూర్తితో ముందుకు వచ్చి భక్తులకు, అవసరమైన వారికి నిత్యాన్నదాన కార్యక్రమాన్ని విజయవంతంగా నిర్వహించారు.
వాతావరణ పరిస్థితులు ఎంత ప్రతికూలంగా ఉన్నా సేవా కార్యక్రమాల్లో ఎలాంటి అంతరాయం కలగకుండా సమితి సభ్యులు అంకితభావంతో పనిచేయడం పలువురి ప్రశంసలు అందుకుంది. సేవే పరమో ధర్మః అనే నినాదాన్ని ఆచరణలో చూపిస్తున్న అన్నపూర్ణ సేవాసమితి సేవలను భక్తులు, స్థానికులు అభినందించారు. IMG-20260729-WA0013