ఇల్లందకుంట, అక్టోబర్ 25 (తెలంగాణ ముచ్చట్లు):
పోలీసు అమరవీరుల సంస్మరణ వారోత్సవం సందర్భంగా విధి నిర్వహణలో ప్రాణత్యాగం చేసిన పోలీసు అమరవీరులకు నివాళులర్పిస్తూ ఇల్లందకుంట పోలీసుల ఆధ్వర్యంలో ఆదివారం ప్రత్యేక ప్రార్థనలు నిర్వహించారు. అమరవీరుల ఆత్మకు శాంతి చేకూరాలని, వారి కుటుంబ సభ్యులు సుఖసంతోషాలతో ఉండాలని, పోలీసు సిబ్బంది ఆయురారోగ్యాలతో వర్ధిల్లాలని, ప్రజలందరికీ శాంతి సౌభాగ్యాలు కలగాలని ఆకాంక్షించారు.
ఈ సందర్భంగా ఇల్లందకుంటలోని శ్రీ సీతారామచంద్ర స్వామి ఆలయంతో పాటు సిరిసేడు గ్రామంలోని చర్చి, మసీదులో పోలీసు సిబ్బంది ప్రత్యేక ప్రార్థనలు నిర్వహించారు. ప్రజల రక్షణ, శాంతిభద్రతల పరిరక్షణ కోసం విధులు నిర్వహిస్తూ ప్రాణాలను సైతం త్యాగం చేసిన పోలీసు అమరవీరుల సేవలను స్మరించుకున్నారు.
ప్రజల భద్రత కోసం అమరవీరులు చేసిన త్యాగాలు చిరస్మరణీయమని ఈ సందర్భంగా పేర్కొన్నారు. అమరవీరుల కుటుంబాల సంక్షేమం, పోలీసు సిబ్బంది శ్రేయస్సు, ప్రజల భద్రత కోసం నిరంతరం కృషి చేస్తామని తెలిపారు.
ఈ కార్యక్రమం ఇల్లందకుంట ఎస్సై ఆధ్వర్యంలో పోలీసు సిబ్బంది పాల్గొని నిర్వహించారు.
Comments