మరిపెడ : వరదల్లో ఖమ్మం జిల్లాకు చెందిన తండ్రీ, కూతురు నూనావత్ మోతిలాల్, నూనావత్ అశ్విని వరద ప్రవాహంలో గల్లంతు అయిన విషయం తెలిసేందే. మహబూబాబాద్ జిల్లా మరిపెడ మండలం పురుషోత్తమాయగూడెం వద్ద ఆకేరు వాగు బ్రిడ్జి వద్ద అదుపుతప్పి కారు నీటిలోకి కొట్టుకుపోయింది. అయితే.. తమ కారు వాగులోకి కొట్టుకుపోయిందని, తమను రక్షించాలంటూ వారు బంధువులకు ఫోన్ చేశారు.వెంటనే రంగంలోకి దిగిన పోలీసులు ఉదయం నుంచి గాలింపు చర్యలు చేపడుతున్నారు. కాగా మధ్యాహ్నం నూనావత్ అశ్విని అశ్విని మృతదేహం లభ్యమైంది. బ్రిడ్జికి కొద్ది దూరంలో జామాయిల్ చెట్ల మధ్య మృతదేహం చిక్కుకుంది. ఇక తండ్రి నూనావత్ మోతిలాల్ ఆచూకీ కోసం పోలీసులు, రెస్య్యూ టీం సిబ్బంది గాలింపు చేపడుతున్నారు. వాగులో తండ్రీ కూతురు గల్లంతవడం, కూతురు విగతజీవిగా లభ్యమవడంతో విషాదం అలుముకున్నది. పోలీసులు కేసు దర్యాప్తు చేస్తున్నారు.
Comments