పిసిసి అధ్యక్ష పీఠంపై బిసి

-స్టేషన్ ఘనపూర్ సంబరాలు జరుపుకున్న కార్యకర్తలు,నాయకులు 

స్టేషన్ ఘనపూర్,తెలంగాణ ముచ్చట్లు:

స్టేషన్ ఘనపూర్ నియోజకవర్గ ఇంచార్జ్ సింగాపురం ఇందిర ఆదేశాల మేరకు శుక్రవారం నియోజకవర్గ కేంద్రంలో మాజీ ఎంపిటిసిల ఫోరమ్ స్టేషన్ ఘనపూర్ మండల అధ్యక్షులు ,

కాంగ్రెస్ పార్టీ నాయకులు సింగపురం దయాకర్ ఆద్వర్యంలో తెలంగాణ నూతన పీసీసీ అధ్యక్షులుగా ఎమ్మెల్సీ బొమ్మ మహేష్ కుమార్ గౌడ్ నియమితులైన సందర్భంగా హర్షాతిరేకాలు వ్యక్తం చేస్తూ సంబరాలు జరుపుకున్నారు.ఈ సందర్భంగా సింగపురం ఇందిరా కార్యాలయం వద్ద నాయకులు,కార్యకర్తలు భారీ ఎత్తున టపాసులు కాల్చి, స్వీట్ లు తినిపించుకొని సంబరాలు జరుపుకున్నారు.ఈ సందర్భంగా సింగపురం దయాకర్ మాట్లాడుతూ గత 40 ఏళ్లుగా పార్టీ నమ్ముకుని పార్టీలోనే ఉన్నారని,పదవుల కోసం ఏనాడూ పార్టీలు మారలేదని అలాంటి నిబద్దత కలిగిన వ్యక్తి మహేష్ కుమార్ గౌడ్ అని,ఆయనకు పీసీసీ పదవి ఇవ్వడం సమంజసమని,ఒక బిసి నాయకునికి పీసీసీ అధ్యక్షా పదవి ఇచ్చిన అధిష్టానానికి సింగపురం దయాకర్ కృతజ్ఞతలు తెలిపారు.మహేష్ కుమార్ గౌడ్ విద్యార్థి నాయకుడిని

 (ఎన్ఎస్ యూఐ )నుండి అంచలంచెలుగా ఎదిగారని కొనియాడారు.ఈ సందర్భంగా మహేష్ కుమార్ గౌడ్ కి కృతజ్ఞతలు తెలిపారు.ఈ కార్యక్రమంలో మాజీ జెడ్పిటిసి గుర్రం యాదగిరి, సింగపురం నాగయ్య,సింగపురం రాజు,శ్రీధర్,నరసింహ్మ,రేండ్ల సమ్మయ్య,ప్రతీష్,నెంబర్ ఎల్లయ్య,గట్టు రమేష్,కోటి,దుబాయ్ ఎల్లయ్య,జానీ పాషా,చింత జ్యోస్త్న, సింగపురం వెంకటయ్య,రమేష్,మేకల మల్లేష్ కాంగ్రెస్ పార్టీ మండల,

గ్రామ,యువజన నాయకులు,తదితరులు పాల్గొన్నారు.