---బిజెపి మండల అధ్యక్షుడు తిరుపతయ్య
వనపర్తి జిల్లా ప్రతిని తెలంగాణ ముచ్చట్లు:
పెద్దమందడి మండలంలోని బిసి బాలుర వసతి గృహాన్ని సోమవారం బిజెపి మండల అధ్యక్షుడు తిరుపతయ్య ఆధ్వర్యంలో బిజెపి నాయకులు సందర్శించారు. ఈ సందర్భంగా మండల అధ్యక్షుడు కావలి తిరుపతయ్య మాట్లాడుతూ.. విద్యార్థులకు వసతి గృహంలో సరైన సౌకర్యాలు లేక తీవ్ర ఇబ్బందులు పడుతున్నారని అన్నారు. వసతి గృహం శిథిలావస్థకు చేరడంతో వెంటనే మరమ్మత్తు పనులు చేపట్టాలని ప్రభుత్వాన్ని డిమాండ్ చేశారు. వసతి గృహం చుట్టూ ప్రహరీ గోడ లేకపోవడం వలన విషపూరిత పాములు రావడం వలన విద్యార్థులు భయభ్రాంతులకు గురవుతున్నారని, వెంటనే విద్యార్థులకు వసతి గృహంలో సరైన సౌకర్యాలు కల్పించాలని కోరారు. ఈ కార్యక్రమంలో జిల్లా కార్యదర్శి ముప్పూరి చెన్నయ్య, ప్రధాన కార్యదర్శి చిన్నగుంట రాములు, కోశాధికారి కమ్మరి సురేందర్, సోషల్ మీడియా కన్వీనర్ వెంకటేష్ తదితరులు పాల్గొన్నారు.
Comments