పెద్దమందడిలో బిజెపి సభ్యత్వ నమోదు కార్యక్రమం

---మండల అధ్యక్షుడు తిరుపతయ్య 

వనపర్తి జిల్లా ప్రతినిధి తెలంగాణ ముచ్చట్లు: 

పెద్దమందడి మండల కేంద్రంలో బిజెపి మండల అధ్యక్షుడు తిరుపతయ్య అధ్యక్షతన గురువారం భారతీయ జనతా పార్టీ సభ్యత్వ నమోదు కార్యక్రమాన్ని నిర్వహించారు. ఈ సందర్భంగా మండలాధ్యక్షుడు తిరుపతయ్య మాట్లాడుతూ... మండల సభ్యత్వ నమోదు కన్వీనర్ విష్ణువర్ధన్ సూచన మేరకు మండలంలో పదివేల సభ్యత్వాలు నమోదు చేయాలని నిర్ణయించడం జరిగిందని తెలిపారు. విష్ణువర్ధన్ సూచన మేరకు ప్రతి ఒక్క కార్యకర్త పట్టుదలతో పార్టీ బలోపేతానికి కృషి చేయాలని, స్థానిక సంస్థల ఎన్నికలను దృష్టిలో ఉంచుకొని పెద్ద ఎత్తున పార్టీ సభ్యత్వ నమోదు చేయాలని అన్నారు. పార్లమెంట్ ఎన్నికల్లో మిగతా మండలాల కన్నా పెద్దమందడి మండలంలో బిజెపి పార్టీ మెజార్టీ ఓట్లను సాధించిందని ఈ సందర్భంగా తిరుపతయ్య గుర్తు చేశారు. మండలంలోని అన్ని గ్రామాలలో పార్టీ సభ్యత్వ నమోదు కార్యక్రమాలు చేసి పార్టీ బలోపేతానికి కార్యకర్తలు కృషి చేయాలని బిజెపి మండల అధ్యక్షుడు తిరుపతయ్య పిలుపునిచ్చారు. ఈ కార్యక్రమంలో వనపర్తి జిల్లా కార్యదర్శి కొత్తకాపు శివారెడ్డి, జిల్లా కార్యవర్గ సభ్యులు ముప్పురి చెన్నయ్య, యాదయ్య, సురేందర్, కరుణాకర్, దత్తాత్రేయ రెడ్డి, రాములు, రవి, నరేష్, రవి, విటల్ రెడ్డి, స్వాతి, కృష్ణయ్య, బాలరాజు తదితరులు పాల్గొన్నారు. వెంకటయ్య, వెంకటేష్, రాముల యాదవ్ తదితరులు పాల్గొన్నారు.