వనపర్తి జిల్లా ప్రతినిధి తెలంగాణ ముచ్చట్లు:
ఉమ్మడి ఆంధ్రప్రదేశ్ మాజీ ముఖ్యమంత్రి డాక్టర్ వైయస్ రాజశేఖర్ రెడ్డి వర్ధంతిని కాంగ్రెస్ నాయకులు ఘనంగా నిర్వహించారు. వైయస్ రాజశేఖర్ రెడ్డి వర్ధంతి సందర్భంగా కాంగ్రెస్ నాయకులు డిఎస్ మహేష్ వనపర్తి ఎమ్మెల్యే క్యాంప్ ఆఫీస్ లో రాజశేఖర్ రెడ్డి చిత్రపటానికి పూలమాలవేసి నివాళులర్పించారు. ఈ సందర్భంగా డిఎస్ మహేష్ మాట్లాడుతూ... పేదవాడి ముఖంపై చిరునవ్వు వెలిగించడానికి నిరంతరం శ్రమించిన గొప్ప నాయకుడని, ఆంధ్రప్రదేశ్ ముఖ్యమంత్రిగా ఎన్నో సంక్షేమ పథకాలను అమలు చేసి ప్రజల్లో గుండెల్లో నిలిచాడని ఆయన చేసిన సేవలను కొనియాడారు. ఈ కార్యక్రమంలో వనపర్తి పట్టణ కాంగ్రెస్ పార్టీ అధ్యక్షులు చీరల చందర్, బీసీ సెల్ అధ్యక్షులు బొంబాయి మన్నెంకొండ తదితరులు పాల్గొన్నారు.
Comments