బిజెపి ఆధ్వర్యంలో ఘనంగా తెలంగాణ విమోచన దినోత్సవం

---పెద్దమందడి మండల అధ్యక్షుడు తిరుపతయ్య 

వనపర్తి జిల్లా ప్రతినిధి తెలంగాణ ముచ్చట్లు: 

పెద్దమందడి మండలంలోని బిజెపి కార్యాలయం ముందు మండల అధ్యక్షుడు తిరుపతియ్య ఆధ్వర్యంలో తెలంగాణ విమోచన దినోత్సవాన్ని జాతీయ జెండా ఎగరవేసి ఘనంగా నిర్వహించారు. అనంతరం బిజెపి మండల అధ్యక్షుడు తిరుపతయ్య మాట్లాడుతూ... సర్దార్ వల్లభాయ్ పటేల్ రజాకార్ల నుండి తెలంగాణను విముక్తి చేసి దేశంలో తెలంగాణను విలీనం చేసిన సెప్టెంబర్ 17 విమోచన దినంగా నిర్వహించుకుంటున్నామని తెలిపారు. కాంగ్రెస్ ప్రభుత్వం ప్రజా పాలన పేరుతో తెలంగాణ విమోచన దినోత్సవాన్ని విస్మరించిందని విమర్శించారు. తెలంగాణలో భారతీయ జనతా పార్టీ అధికారంలోకి రాగానే సెప్టెంబర్ 17న తెలంగాణ విమోచన దినోత్సవాన్ని అధికారికంగా నిర్వహిస్తామని తెలిపారు. ఈ కార్యక్రమానికి ముఖ్యఅతిథిగా హాజరైన బాసెట్టి శ్రీనివాసులు మాట్లాడుతూ... తెలంగాణ విమోచన దినోత్సవాన్ని బీఆర్ఎస్, కాంగ్రెస్ పార్టీలు అధికారికంగా నిర్వహిస్తాయని మాటలకే పరిమితం చేశాయని అన్నారు. ఈ కార్యక్రమంలో మండల అధ్యక్షుడు తిరుపతయ్య, మండల ఇన్చార్జి బాశెట్టి శ్రీనివాసులు, శివారెడ్డి, ముప్పురి చెన్నయ్య, రాములు, రవి, రామ్ నరేష్, విటల్ రెడ్డి, బాబన్న, రాజేష్, బాలరాజు, ఆంజనేయులు, అశోక్, కరుణాకర్, కృష్ణయ్య తదితరులు పాల్గొన్నారు.