ఉమ్మడి ఖమ్మం బ్యూరో చీఫ్, తెలంగాణ ముచ్చట్లు:
ఖమ్మం జిల్లా వైరా మున్సిపాలిటీ పరిధిలో నివసిస్తున్న తల్లితండ్రులు లేక తాత సంరక్షణలో వున్న శ్రీ హర్షిత అను ఒక నిరుపేద విద్యార్థినికి వనపర్తి ప్రభుత్వ మెడికల్ కాలేజీ లో సీట్ వచ్చి ఆర్థిక ఇబ్బందులవలనచదువుకుఇబ్బందిఅవుతున్నదని తెలిసి ఆ విద్యార్థినికి పుట్టపర్తి సాయిబాబా స్వామి వారి ఆశీస్సులతో ఖమ్మం సత్యసాయి సేవా సంస్థ తరఫున 25,000 రూపాయల విలువ చేసే ఆమె చదువుకు అవసరమైన మెటీరియల్ మరియు కొంత నగదు మొత్తం ఆదివారం వారి గ్రామమునకు వెళ్లి ఆ విద్యార్థినికి అందచేయుట జరిగినది. ఈ మహత్తర సేవా కార్యక్రమములో ఖమ్మం సమితి కన్వీనర్ ఆలస్యం నరసింహారావు, యూత్ సభ్యుడు జె.సతీష్ కుమార్, సమితి సభ్యులు ఆర్.నాగరాజు ( పీహెచ్బీ ఇన్స్ట్రక్టర్ ) మరియు వి. సైదులు పాల్గొన్నారు. ఇటువంటి తోడ్పాటు నందించే సేవా కార్యక్రమములో పాల్గొనే అవకాశము కలిగించిన స్వామి వారికి కృతజ్ఞతలు తెలియ చేసుకుంటూ, ఇలాగే ఆ చిరంజీవి యొక్క చదువుకు ఎలాంటి విఘ్నం లేకుండా చదువు పూర్తి చేయించమని స్వామి వారిని ప్రార్థిస్తున్నాము అని వారు ఒక ప్రకటనలో తెలియజేశారు.
Comments