రేవల్లి మండల ఉత్తమ ఉపాధ్యాయులకు ఘన సన్మానం.

రేవల్లి,సెప్టెంబరు07(తెలంగాణ ముచ్చట్లు):

ఉపాధ్యాయ దినోత్సవాన్ని పురస్కరించుకుని వనపర్తి జిల్లా రేవల్లి జిల్లా పరిషత్ ఉన్నత పాఠశాలలో సోమవారం మండల ఉత్తమ ఉపాధ్యాయుల సన్మాన మహోత్సవాన్ని ఘనంగా నిర్వహించారు. మండల విద్యాశాఖ, మండల ఉపాధ్యాయ సంక్షేమ సంస్థ ఆధ్వర్యంలో నిర్వహించిన ఈ కార్యక్రమంలో మండల స్థాయిలో ఉత్తమ ఉపాధ్యాయులుగా ఎంపికైన 15 మంది ఉపాధ్యాయులను ఘనంగా సన్మానించారు.మండలంలోని ఉపాధ్యాయుల సేవలను పరిగణనలోకి తీసుకుని ఉపాధ్యాయ సంక్షేమ సంస్థ ఆధ్వర్యంలో ఉత్తమ ఉపాధ్యాయులను ఎంపిక చేశారు. తొలుత ఎంపికైన వారిలో ప్రాథమిక పాఠశాల నాగపూర్‌కు చెందిన ఎస్‌జీటీ శ్రీమతి లియోనా, జిల్లా పరిషత్ ఉన్నత పాఠశాల నాగపూర్ పాఠశాల సహాయకులు అంబాశంకర్, జిల్లా పరిషత్ ఉన్నత పాఠశాల రేవల్లి పాఠశాల సహాయకులు కే. దశరథ్, జిల్లా పరిషత్ ఉన్నత పాఠశాల బండరావిపాకుల పాఠశాల సహాయకురాలు మహాలక్ష్మి, మండల పరిషత్ ఉన్నత పాఠశాల తలుపునూరు పాఠశాల సహాయకులు ఎస్. చంద్రకాంత్, కేజీబీవీ రేవల్లి సీఆర్‌టీ ఏ. సరస్వతి ఉన్నారు.అలాగే మండల పరిషత్ ప్రాథమిక పాఠశాల గొల్లపల్లికి చెందిన ఎస్‌జీటీ టి. వెంకటమ్మ, మండల పరిషత్ ప్రాథమికోన్నత పాఠశాల కేశంపేటకు చెందిన ఎస్‌జీటీ ఎస్. కృష్ణయ్య, మండల పరిషత్ ప్రాథమిక పాఠశాల గొల్లపల్లికి చెందిన ఎస్‌జీటీ పి. శ్రీశైలం, మండల పరిషత్ ప్రాథమిక పాఠశాల రేవల్లికి చెందిన ఎస్‌జీటీ కే. శిరీష, మండల పరిషత్ ప్రాథమిక పాఠశాల కొంకలపల్లికి చెందిన ఎస్‌జీటీ బి. రాముడు, ప్రాథమిక పాఠశాల గౌరీదేవిపల్లికి చెందిన ఎస్‌జీటీ ఆర్. శ్రీకాంత్‌లను ఉత్తమ ఉపాధ్యాయులుగా ఎంపిక చేశారు.అనంతరం మరో ముగ్గురు ఉపాధ్యాయులను కూడా మండల ఉత్తమ ఉపాధ్యాయులుగా ఎంపిక చేశారు. వారిలో ప్రాథమిక పాఠశాల నాగపూర్‌కు చెందిన ఎస్‌జీటీ ఎస్. ఆంజనేయులు, ప్రాథమిక పాఠశాల రేవల్లికి చెందిన ఎస్‌జీటీ శ్రీమతి పి. అనురాధ, కేజీబీవీ రేవల్లికి చెందిన గణిత సీఆర్‌టీ శ్రీమతి కాంత ఉన్నారు. దీంతో మండల స్థాయిలో ఉత్తమ ఉపాధ్యాయులుగా ఎంపికైన వారి సంఖ్య 15కు చేరింది.ఈ సందర్భంగా ఎంపికైన ఉత్తమ ఉపాధ్యాయులను ఘనంగా సన్మానించి అభినందనలు తెలిపారు. విద్యార్థుల విద్యాభివృద్ధికి అంకితభావంతో సేవలందిస్తూ, విద్యారంగానికి విశేష కృషి చేస్తున్న ఉపాధ్యాయులను గుర్తించి సత్కరించడం అభినందనీయమని నిర్వాహకులు పేర్కొన్నారు. ఉత్తమ ఉపాధ్యాయులుగా ఎంపికైన వారిని అభినందిస్తూ, వారి సేవలు మరింత మందికి స్ఫూర్తిగా నిలవాలని ఆకాంక్షించారు.కార్యక్రమంలో మండల పరిషత్ అభివృద్ధి అధికారిణి కుమారి కీర్తన, మండల విద్యాధికారి ఎస్. వరప్రసాద్ రావు, పాఠశాల సముదాయ ప్రధానోపాధ్యాయులు పి. ప్రసాద్, జిల్లా సెకండరీ గ్రేడ్ ఉపాధ్యాయుల అధ్యక్షులు శ్రీ రామమూర్తి, వివిధ ఉపాధ్యాయ సంఘాల నాయకులు, ఉపాధ్యాయ బృందం తదితరులు పాల్గొన్నారు.