ప్రజాసేవతో పాటు వ్యవసాయానికీ సమాన ప్రాధాన్యం.

వనపర్తి,జూలై16(తెలంగాణ ముచ్చట్లు):

ప్రజాసేవలో ఎంత బిజీగా ఉన్నప్పటికీ వ్యవసాయం, పశుపోషణపై తనకున్న మక్కువను వనపర్తి ఎమ్మెల్యే శ్రీ తూడి మేఘారెడ్డి మరోసారి చాటిచెప్పారు. గురువారం ఉదయం దొడగుంటపల్లి శివారులోని తన వ్యవసాయ క్షేత్రాన్ని సందర్శించి పంటలు, తోటలు, పశుసంపదను పరిశీలించారు.ఈ సందర్భంగా కొబ్బరి, మామిడి, జామ తోటలను పరిశీలించిన ఎమ్మెల్యే మొక్కల పెరుగుదల, నిర్వహణపై ఆరా తీశారు. అనంతరం వ్యవసాయ క్షేత్రంలో పెంచుతున్న గోవులకు స్వయంగా అరటిపండ్లు తినిపించి వాటి ఆరోగ్య పరిస్థితి, సంరక్షణపై వివరాలు తెలుసుకున్నారు.ప్రస్తుతం వనపర్తి ఎమ్మెల్యేగా ప్రజాసేవలో నిత్యం బిజీగా ఉన్నప్పటికీ, వృత్తిరీత్యా ప్రముఖ కాంట్రాక్టర్ అయిన తూడి మేఘారెడ్డికి వ్యవసాయంపై ఉన్న అభిమానం ఏమాత్రం తగ్గలేదని ఆయన సన్నిహితులు తెలిపారు. రైతు కుటుంబ విలువలను, వ్యవసాయం గొప్పతనాన్ని ఎప్పటికప్పుడు గుర్తుచేసుకుంటూ వ్యవసాయాన్ని తన జీవితంలో విడదీయరాని భాగంగా భావిస్తారని పేర్కొన్నారు.పంటల సంరక్షణతో పాటు పశుసంపద అభివృద్ధిపైనా ప్రత్యేక శ్రద్ధ చూపడం ఆయన ప్రత్యేకతగా చెబుతున్నారు. ప్రజా సమస్యల పరిష్కారంలో నిత్యం నిమగ్నమై ఉండే ఆయనకు అవకాశం దొరికినప్పుడల్లా తన వ్యవసాయ క్షేత్రాన్ని సందర్శించి పంటలు, తోటలు, పశువుల సంరక్షణకు కొంత సమయం కేటాయిస్తుంటారు.రైతుల కష్టాలను ప్రత్యక్షంగా అర్థం చేసుకునే నాయకుడిగా, వ్యవసాయాభివృద్ధే గ్రామీణ ఆర్థిక వ్యవస్థకు మూలాధారమనే నమ్మకంతో రైతులకు అండగా నిలుస్తున్నారని స్థానికులు పేర్కొంటున్నారు. ప్రజాసేవను బాధ్యతగా.. వ్యవసాయాన్ని జీవన విధానంగా భావిస్తున్న ఎమ్మెల్యే తూడి మేఘారెడ్డి రైతుల సంక్షేమం, వ్యవసాయాభివృద్ధి, పశుసంపద పరిరక్షణకు ఎల్లప్పుడూ ప్రాధాన్యం ఇస్తూ ఆదర్శప్రాయమైన నాయకత్వాన్ని ప్రదర్శిస్తున్నారని కొనియాడుతున్నారు.