పెద్దమందడి,నవంబర్03(తెలంగాణ ముచ్చట్లు):
పెద్దమందడి మండలం వెల్టూర్ లీడర్స్ ఇంగ్లీష్ మీడియం పాఠశాలల్లో సోమవారం 1వ నుండి 7వ తరగతి విద్యార్థుల కోసం సాక్షి అక్షర పోటీ పరీక్షలు ప్రిన్సిపల్ వెంకటేష్ నేతృత్వంలో నిర్వహించబడ్డాయి. ఈ పోటీ పరీక్షలు నాలుగు దశల్లో జరుగుతాయని ప్రిన్సిపాల్ వెంకటేష్ తెలిపారు. సోమవారం మొదటి దశ పరీక్షలు విజయవంతంగా నిర్వహించబడ్డాయి.
ప్రిన్సిపాల్ వెంకటేష్ మాట్లాడుతూ.. ఈ పోటీ పరీక్షల ప్రధాన లక్ష్యం విద్యార్థుల అక్షర నైపుణ్యాలను పెంపొందించడం, పదజాలాన్ని విస్తరించడం, ఆంగ్ల ఉచ్చారణ నైపుణ్యాలను మెరుగుపరచడం, అలాగే ఆత్మవిశ్వాసాన్ని పెంచడమే అని వారు చెప్పారు.
విద్యార్థులు పోటీ పరీక్షల ద్వారా తమ నైపుణ్యాలను పరీక్షించుకోవడం, నూతన పదాలు నేర్చుకోవడం మరియు సాహసంతో మాట్లాడడం వంటి అంశాల్లో అభ్యసిస్తారని. ఈ పోటీ విద్యార్థుల భవిష్యత్తు కోసం ఒక మంచి అవకాశం అని ప్రిన్సిపాల్ పేర్కొన్నారు.
ఈ కార్యక్రమంలో ప్రధాన ఉపాధ్యాయులు, ఉపాధ్యాయ బృందం, మరియు కరస్పాండెంట్ విష్ణువర్ధన్ సాగర్ పాల్గొన్నారు. విద్యార్థులు మరియు అధ్యాపకులు ఈ పోటీ పరీక్షలను సాకారాత్మకంగా స్వీకరించారు.
Comments