వేలేరు,నవంబర్ 3 (తెలంగాణ ముచ్చట్లు):
వేలేరు మండలం పీచర గ్రామంలో ఇటీవల నిర్వహించిన రాష్ట్ర స్థాయి క్రికెట్ పోటీలలో భాగంగా స్టేషన్ ఘనపూర్ మాజీ ఎమ్మెల్యే డా. తాటికొండ రాజయ్య క్రీడాకారులకు క్రికెట్ కిట్లు, టీషర్టులు పంపిణీ చేశారు.ఈ సందర్భంగా ఆయన మాట్లాడుతూ, క్రీడలు శారీరక దృఢత్వంతో పాటు మానసిక ఉల్లాసాన్నీ పెంపొందిస్తాయని, యువత క్రీడలలో ప్రతిభ చూపి రాష్ట్ర, జాతీయ స్థాయిలో గుర్తింపు సాధించాలని సూచించారు. క్రీడల ద్వారా క్రమశిక్షణ, పట్టుదల వంటి విలువలు పెంపొందుతాయని ఆయన అన్నారు.ఈ కార్యక్రమంలో మాజీ జడ్పీటీసీ కీర్తి వెంకటేశ్వర్లు, మాజీ సర్పంచ్ మ్యాక రవీందర్, పోలు తిరుపతి, ఎం.డి. జానీ, మారబోయిన రాజు, దేవరాజుల జంపయ్య, కొలిపాక వెంకటేష్ తదితరులు, క్రికెట్ నిర్వహణ కమిటీ సభ్యులు, గ్రామ ప్రజలు పాల్గొన్నారు.
Comments