పెద్దమందడి,డిసెంబర్09(తెలంగాణ ముచ్చట్లు):
పెద్దమందడి మండలం వెల్టూర్ 7వ వార్డులో స్థానిక ఎన్నికల నేపథ్యంలో కాంగ్రెస్ అభ్యర్థి మద్దూరు స్వాతి ఇంటింటి ప్రచారం ముమ్మరం చేశారు. స్థానిక సమస్యలను నేరుగా తెలుసుకుని, వాటి పరిష్కారానికి కృషి చేస్తానని ఆమె ప్రజలకు హామీ ఇచ్చారు.ప్రచారంలో మద్దూరు స్వాతి, వాడుకలో ఉన్న రహదారులు, డ్రైనేజ్ సమస్యలు, తాగునీటి సరఫరా, వీధి దీపాల లోపాలు వంటి అంశాలను గుర్తించారు. వీటిని దశలవారీగా పరిష్కరించేందుకు ప్రాధాన్యత ఇస్తానని అభ్యర్థి తెలిపారు.ప్రజల సమస్యలను అర్థం చేసుకొని, వార్డు అభివృద్ధి, పారదర్శక పాలన, ప్రజాసేవలో ప్రత్యేక కృషి చేస్తానని మద్దూరు స్వాతి తెలిపారు.
మహిళలు, యువత, వృద్ధులు తదితరుల నుంచి మంచి స్పందన లభించిందని, ఈ ఆశీర్వాదం తనకు మరింత శక్తి ఇస్తుందని ఆమె చెప్పారు.వెల్టూర్ 7వ వార్డులో మద్దూరు స్వాతి ఇంటింటి ప్రచారం ద్వారా ఎన్నికల వాతావరణం వేగవంతమవుతోంది. ప్రజలు అభ్యర్థిపై విశ్వాసం వ్యక్తం చేస్తూ, వార్డు అభివృద్ధికి మద్దతు తెలుపుతున్నారు.
Comments