మల్కాజిగిరి, డిసెంబర్ 10 (తెలంగాణ ముచ్చట్లు)
మల్కాజిగిరి నియోజకవర్గం నెరేడ్మెట్లో ఈ నెల 14న జరగనున్న తెలంగాణ వర్కింగ్ జర్నలిస్టుల ఫెడరేషన్ (టిడబ్ల్యూజేఎఫ్) మేడ్చల్–మల్కాజిగిరి జిల్లా 3వ మహాసభ పోస్టర్ను బుధవారం ఎమ్మెల్యే మర్రి రాజశేఖర్ రెడ్డి ఆవిష్కరించారు. ఈ సందర్భంగా ఎమ్మెల్యే మాట్లాడుతూ జర్నలిస్టులు సమాజం అభివృద్ధికి అద్దం పట్టే ముఖ్య వృత్తి నిర్వహిస్తున్నారని, జర్నలిస్టుల సమస్యల పరిష్కారానికి ప్రభుత్వం కట్టుబడి ఉందని తెలిపారు. జరగబోయే మహాసభ విజయవంతం కావాలని ఆకాంక్షించారు.ఈకార్యక్రమంలో టిడబ్ల్యూజేఎఫ్ జిల్లా కన్వీనర్ జి. హరి ప్రసాద్, కో–కన్వీనర్ పి. మల్లేష్ గౌడ్, సీనియర్ జిల్లా నాయకురాలు రోజా రాణి, దుర్గాప్రసాద్ తదితరులు పాల్గొన్నారు.
Comments