ఆదాయపన్ను నిబంధనలను కచ్చితంగా అమలు చేయాలి 

హనుమకొండ,తెలంగాణ ముచ్చట్లు:
ఆదాయపన్ను నిబంధనలను కచ్చితంగా అమలు చేయాలని, అందులో భాగంగా రికవరీలు, మినహాయింపులపై సమగ్ర సమాచారాన్ని అందించేందుకు డి.డి.ఓ ల బాధ్యత పెరుగుతుందని హనుమకొండ ఆదాయపన్ను అధికారి సి. మహేందర్ బాబు తెలిపారు.గురువారం, కలెక్టరేట్ సమావేశ మందిరంలో జిల్లా ఖజానా శాఖ అధికారి శ్రీనివాస్ కుమార్ తో కలిసి డీడీవో లకు, ఇతర ఉద్యోగులకు ఆదాయపన్ను రిటర్న్స్ దాఖలుపై అవగాహన కార్యక్రమాన్ని నిర్వహించారు.

ఈ సందర్భంగా, సి. మహేందర్ బాబు మాట్లాడుతూ,“ఆదాయపన్ను ప్రభుత్వానికి ప్రధాన ఆదాయ వనరుగా ఉంటుంది. ఈ పన్ను ద్వారా ప్రభుత్వ సంక్షేమ, అభివృద్ధి కార్యక్రమాలు ముందుకు సాగుతాయి” అని చెప్పారు. ఆయన ఇంకా తెలిపారు, “త్రైమాసిక టీడీఎస్ దాఖలు తప్పనిసరి. వేతన ఆదాయం కోసం ఫారం 24క్యూ, వేతనేతర ఆదాయం కోసం ఫారం 26క్యూ సమర్పించాలి. వాటిని సమర్థవంతంగా నిర్వహించడం చాలా ముఖ్యం” అని వెల్లడించారు.

అలాగే, డీడీవో లను పాఠాలుగా ప్రేరేపిస్తూ, వారి క్రిడెన్షియల్‌లను రహస్యంగా ఉంచుకోవాలని, మరియు ఎవరికీ వాటిని షేర్ చేయవద్దని ఆయన సూచించారు. బోగస్ పత్రాలతో ఆదాయపన్ను ఎగవేత దారులపై కఠిన చర్యలు తీసుకోవాలని, పెనాల్టీ విధించబడతుందని హెచ్చరించారు.
డీడీవో లకు పవర్ పాయింట్ ప్రజెంటేషన్ ద్వారా ఆదాయపన్ను రిటర్న్స్ దాఖలు విధానం, త్రైమాసిక, వార్షిక రిటర్న్స్ సమర్పణ తదితర వివరాలపై అవగాహన కల్పించారు.
ఈ సమావేశంలో అదనపు ట్రెజరీ అధికారి అన్వర్ హుస్సేన్, ఐటి ఇన్స్పెక్టర్ అవినాష్, టి. రాజు, ఇతర అధికారులు, అలాగే డీడీవో లు, పన్ను విభాగం అధికారులు పాల్గొన్నారు.