శ్రీ యజ్ఞవరాహస్వామి బ్రహ్మోత్సవాలకు ఆహ్వానం.

యాదగిరి సునీల్ రావుకు ఆహ్వాన పత్రిక అందజేసిన ఆలయ కమిటీ సభ్యులు.

కరీంనగర్, అక్టోబర్ 28 (తెలంగాణ ముచ్చట్లు):

కరీంనగర్‌లోని సర్వవైదిక సంస్థానమ్ ట్రస్ట్, యజ్ఞవరాహ క్షేత్రంలో శ్రీ యజ్ఞవరాహస్వామి 40వ వార్షిక బ్రహ్మోత్సవాలను అత్యంత వైభవంగా నిర్వహించేందుకు ఏర్పాట్లు చేస్తున్నారు. ఈ నెల 28వ తేదీ బుధవారం నుంచి నవంబర్ 2వ తేదీ సోమవారం వరకు బ్రహ్మోత్సవాలు జరగనున్నాయి.

ఈ పవిత్ర బ్రహ్మోత్సవాలకు హాజరుకావాలని కోరుతూ బీజేపీ రాష్ట్ర అధికార ప్రతినిధి, డిప్యూటీ మేయర్, మాజీ మేయర్ యాదగిరి సునీల్ రావును ఆలయ కమిటీ సభ్యులు ఆయన క్యాంపు కార్యాలయంలో మర్యాదపూర్వకంగా కలిశారు. ఈ సందర్భంగా బ్రహ్మోత్సవాల ఆహ్వాన పత్రికను అందజేశారు.

ఈ కార్యక్రమంలో ఆలయ కమిటీ సభ్యులు నరేందర్, వెంకట్రాములు, వెంకటేశ్వరరెడ్డి, రాణి, రవీందర్ రావు పాల్గొని ఆహ్వానాన్ని అందజేశారు.

శ్రీ యజ్ఞవరాహస్వామి వార్షిక బ్రహ్మోత్సవాల్లో భక్తులందరూ పెద్ద సంఖ్యలో పాల్గొని స్వామివారి కృపకు పాత్రులు కావాలని ఆలయ నిర్వాహకులు కోరారు.