పేద విద్యార్థికి అండగా జంగం శివ… ఎంబీబీఎస్ విద్యార్థికి ఆర్థిక సహాయం

పెద్దమందడి,ఫిబ్రవరి18(తెలంగాణ ముచ్చట్లు):

పెద్దమందడి మండల పరిధిలోని అనకాయపల్లి తండాకు చెందిన గోపాల్ నాయక్ కుమారుడు తేజ నాయక్ మెడికల్ సీటు సాధించి మెదక్ ప్రభుత్వ మెడికల్ కళాశాలలో ఎంబీబీఎస్ మొదటి సంవత్సరం చదువుతున్నాడు. పేద కుటుంబానికి చెందిన ఈ విద్యార్థి ఆర్థిక ఇబ్బందులు ఎదుర్కొంటున్న విషయం తెలిసిన వెంటనే సామాజిక సేవకుడు జంగం శివ స్పందించారు.అనకాయపల్లి తండాకు వెళ్లిన జంగం శివ, పెద్దమందడి గ్రామ సర్పంచ్ శ్రీమతి సూర్య గంగమ్మ రవి చేతుల మీదుగా తేజ నాయక్‌కు రూ.5,000/- రూపాయల ఆర్థిక సహాయం అందజేశారు.ఈ సందర్భంగా విద్యార్థి ఉన్నత చదువులు పూర్తి చేసి సమాజానికి సేవ చేయాలని ఆకాంక్షించారు.ఈ కార్యక్రమంలో ఉపసర్పంచ్ ఊషన్న, వార్డు సభ్యుడు రవి, కాంగ్రెస్ కార్యకర్త స్వామి మరియు తండావాసులు పాల్గొన్నారు. గ్రామస్తులు జంగం శివ సహృదయతను అభినందిస్తూ, ఆయన సేవా కార్యక్రమాలు ఆదర్శంగా నిలుస్తున్నాయని పేర్కొన్నారు.