ఏ ఎస్ రావు నగర్, అక్టోబర్ 14 (తెలంగాణ ముచ్చట్లు):
ఇటీవల అనారోగ్యానికి గురై చికిత్స అనంతరం విశ్రాంతి తీసుకుంటున్న మాజీ కార్పొరేటర్, బీఆర్ఎస్ పార్టీ సీనియర్ నాయకుడు కొత్త రామారావు ను ఉప్పల్ ఎమ్మెల్యే బండారి లక్ష్మారెడ్డి మంగళవారం కమలానగర్లోని ఆయన నివాసంలో పరామర్శించారు.ఈ సందర్భంగా ఎమ్మెల్యే కొత్త రామారావుతో మాట్లాడి ఆయన ఆరోగ్య పరిస్థితిని అడిగి తెలుసుకున్నారు. వైద్యుల సూచనలు పాటిస్తూ తగిన జాగ్రత్తలు తీసుకోవాలని సూచించారు. త్వరగా కోలుకోవాలని ఆకాంక్షిస్తూ ధైర్యం చెప్పారు.పరామర్శ కార్యక్రమంలో బిఆర్ఎస్ నాయకులు కాసం మహిపాల్ రెడ్డి, పెద్దాపురం కుమారస్వామి, ఎస్.ఏ. రహీం, లచ్చిరెడ్డి రాజశేఖర్ రెడ్డి, పాషా భాయ్, శ్రీనివాస్ నగర్ కాలనీ అధ్యక్షుడు నాగు, ఉపాధ్యక్షుడు గోబేరు రమేష్ తదితరులు పాల్గొన్నారు.
Comments