కాజీపేట్ జనవరి 12 (తెలంగాణ ముచ్చట్లు)
హనుమకొండ జిల్లా కాజీపేట్ జంక్షన్ సమీపంలోని రైల్వే స్టేడియంలో కొనసాగుతున్న 58వ జాతీయస్థాయి సీనియర్ కోకో ఛాంపియన్షిప్ 2025-26 టోర్నమెంట్ వివిధ రాష్ట్రాల నుండి వచ్చిన క్రీడాకారుల నడుమ పోటీలు రెండో రోజు పోటాపోటీగా నిర్వహించబడ్డాయి. దేశ నలుమూలల నుండి వచ్చిన క్రీడ కారులు, అభిమానులతో స్టేడియం కిక్కిరిసిపోయింది తెలంగాణ కోకో అసోసియేషన్ ప్రెసిడెంట్ జంగా రాఘవరెడ్డి అస్సాం వర్సెస్ తమిళనాడు మహిళలు, హర్యానా వర్సెస్ మద్యభారత్ మహిళలు, చత్తీస్గడ్ వర్సెస్ పోలీస్, ఢిల్లీ వర్సెస్ హర్యానా పురుషుల మధ్య జరిగే మొదటి మ్యాచ్ లకు టాస్ వేసి పోటీలను ప్రారంభించారు. ఉదయం సెక్షన్లో మహిళ పురుష 33 జట్లు సాయంత్రం 31 జట్లు మొత్తం 64 క్రీడ జట్టులు మైదానంలో క్రీడలకు అఫీషియల్స్ సమక్షంలో క్రీడాకారులు పోటీపడ్డారు. పట్టణంలో జరుగుతున్న జాతీయ స్థాయి కోకోపోటీలను ప్రత్యక్షంగా తిలకించేందుకు క్రీడాకారులు అభిమానులు భారీగా తరలివచ్చారు . ఈ కార్యక్రమంలో ఇండియా కోకో ఫెడరేషన్ కార్యదర్శి ఉక్కర్ సింగ్, కోశాధికారి శర్మ, రాష్ట్ర కోకో ప్రధాన కార్యదర్శి నాతి కృష్ణమూర్తి, డి వై ఎస్ ఓ అశోక్ కుమార్, అజీజ్ ఖాన్, కైలాసం యాదవ్ ,ఆర్గనైజింగ్ సెక్రటరీ తోట శ్యాం ప్రసాద్ బోర్డ్ చైర్మన్లు కుసుమ సదానందం, కన్వీనర్ సూర్య ప్రకాష్ తదితరులతో పాటు వివిధ రాష్ట్రాల నుండి వచ్చిన సంఘాల అధ్యక్ష కార్యదర్శులు టీం మేనేజర్లు అఫీషియల్స్, రిఫ్రిస్ కోకో సీనియర్లు, క్రీడాకారులు లతోపాటు తదితరులు పాల్గొన్నారు .
Comments