పెద్దమందడి,సెప్టెంబర్26(తెలంగాణ ముచ్చట్లు):
పెరుగుతున్న వ్యవసాయం, పంటల దిగుబడులు, అన్నదాతల రవాణా ఇబ్బందులను దృష్టిలో ఉంచుకొని వనపర్తి నియోజకవర్గ పరిధిలో కొత్త వ్యవసాయ మార్కెట్ యార్డ్ నిర్మాణం కోసం వనపర్తి శాసనసభ్యులు తూడి మేఘారెడ్డి అభ్యర్థన మేరకు సానుకూలంగా స్పందించిన రాష్ట్ర ప్రభుత్వం ఖిల్లా ఘణపురం, పెద్దమందడి మండలాలకు సంబంధించి నూతన వ్యవసాయ మార్కెట్ యార్డ్ నిర్మాణానికి అనుమతులు జారీ చేసింది (జీవో ఎంఎస్ నం. 121).
ఈ మార్కెట్ యార్డ్ నిర్మాణంతో పెద్దమందడి, ఖిల్లా ఘణపురం మండలంలోని అన్నదాతల ఇబ్బందులు తీరనున్నాయి. త్వరలో రిజర్వేషన్ల ప్రాతిపదికన మార్కెట్ యార్డుకు సంబంధించిన కమిటీ ఏర్పాట్లు జరుగనున్నట్లు ఎమ్మెల్యే తెలిపారు.
రాష్ట్ర ముఖ్యమంత్రి రేవంత్ రెడ్డి కి ఎమ్మెల్యే ప్రత్యేక కృతజ్ఞతలు తెలిపారు. ఈ నిర్మాణానికి సహకరించిన ఇంచార్జ్ మంత్రివర్యులు దామోదర రాజనర్సింహ, జిల్లా మంత్రులు వాకిటి శ్రీహరి, జూపల్లి కృష్ణారావు, నాగర్కర్నూల్ పార్లమెంట్ సభ్యులు డాక్టర్ మల్లు రవి కు ఎమ్మెల్యే ప్రత్యేక కృతజ్ఞతలు తెలిపారు. రాష్ట్ర వ్యవసాయ శాఖ మంత్రి తుమ్మల నాగేశ్వరరావుకు కూడా ప్రత్యేక కృతజ్ఞతలు తెలిపారు.
Comments