పెద్దమందడి,సెప్టెంబర్08(తెలంగాణ ముచ్చట్లు):
పెద్దమందడి - వనపర్తి పట్టణానికి వెళ్లే ప్రధాన రహదారి నిర్మాణ పనులు శరవేగంగా కొనసాగుతున్నాయని కాంగ్రెస్ నాయకులు తెలిపారు. ప్రజల దీర్ఘకాలిక ఇబ్బందులను దృష్టిలో ఉంచుకుని కాంగ్రెస్ ప్రభుత్వం ఈ రహదారి అభివృద్ధికి రూ.40 కోట్ల నిధులు మంజూరు చేసిందన్నారు.పలు సాంకేతిక, పరిపాలనా కారణాలతో కొంతకాలం నిలిచిపోయిన పనులు ఎమ్మెల్యే తూడి మేఘారెడ్డి ప్రత్యేక చొరవతో తిరిగి వేగం పుంజుకున్నాయని తెలిపారు. రహదారి పనులను నాణ్యతా ప్రమాణాలతో త్వరితగతిన పూర్తి చేసేలా అధికారులు, నిర్మాణ సంస్థ చర్యలు చేపడుతున్నారని పేర్కొన్నారు.పెద్దమందడి–వనపర్తి రోడ్డు పూర్తయితే ప్రయాణ సమయం తగ్గడంతో పాటు వాహనదారులకు ఎంతో సౌకర్యం కలుగుతుందని అన్నారు. పెద్దమందడి మండలంలోని పలు గ్రామాల ప్రజలకు వనపర్తి పట్టణంతో రవాణా సౌకర్యం మరింత మెరుగుపడుతుందని తెలిపారు.ప్రజల అవసరాలకు అనుగుణంగా రహదారుల అభివృద్ధికి కాంగ్రెస్ ప్రభుత్వం ప్రాధాన్యత ఇస్తోందని, పెండింగ్లో ఉన్న పనులను వేగవంతం చేస్తూ ప్రజలకు మెరుగైన రవాణా సౌకర్యం కల్పించడమే లక్ష్యంగా ముందుకు సాగుతోందని కాంగ్రెస్ నాయకులు పేర్కొన్నారు.
Comments