పాలు కల్తీ చేసి
పసిపిల్లల ఊపిరి ఆపిన వాడితో
నీకు సమస్య లేదు.
వేలకోట్లు దోచుకుని వంతెనల్ని వంచించి
ప్రజల్ని పాతిపెట్టిన వాడి మీద నీకు కోపం రాదు.
దేశాన్ని దోచి దాచుకున్న దొంగల ముందర
నీ ధర్మం దండం పెడుతుంది.
కానీ
పేదవాడి గంజిలో ఒక గుడ్డు పడితే
నీ నీతి నిప్పులే కక్కుతుంది
నీ ఆచారం అగ్నిలా ఎగసిపడుతుంది.
ఎందుకంటే నీకు భయం
పేదరికం రుచి చూసిన గొంతు
ఒక్కసారి లేస్తే నువ్వు కట్టుకున్న కోటలు
మట్టిపాలు అవుతాయని నీకు తెలుసు
అది నీ అబద్ధాల గొంతు నొక్కే ప్రశ్న అని నీకు తెలుసు.
దేవుళ్లకు నైవేద్యం పెడ్తావు
పిల్లల కడుపుకి మాత్రం నియమాలు పెడ్తావు,
పుణ్యభూమి అంటావు
పిల్లల ప్రాణాలు పణంగా పెడ్తావు
దేవుళ్లు పుట్టిన నేల అని చెప్పుకునే ముందు
మనుషులు బ్రతికేలా చూసుకో
లేకపోతే నీ చరిత్ర గొప్పదైనా
ఆకలి కేకల మధ్య నీ నాగరికత
శవపేటికలో కూలిపోతుంది.
గుర్తుపెట్టుకో
ఖాళీ కడుపుతో కూర్చున్న ప్రతి పిల్లవాడు
ఈ వ్యవస్థ దాచుకున్న ఆకలి ప్రశ్నల అగ్నిపర్వతం.
~ బసడ సంపత్ యాదవ్ ✍🏻
7032132593
Comments