ఎల్కతుర్తి, ఫిబ్రవరి 25: (తెలంగాణ ముచ్చట్లు)
దేశ ప్రధానమంత్రి నరేంద్ర మోదీ ప్రేరణతో, కరీంనగర్ పార్లమెంటు సభ్యులు, కేంద్ర హోం శాఖ సహాయ మంత్రి బండి సంజయ్ కుమార్ మార్గదర్శకత్వంలో ప్రధానమంత్రి సంసద్ క్రీడా మహోత్సవం 2025–26 నిర్వహించబడుతోంది.
ఈ కార్యక్రమంలో భాగంగా హుస్నాబాద్ అసెంబ్లీ స్థాయి క్రీడా పోటీలు నిర్వహించనున్నట్లు నిర్వాహకులు తెలిపారు. కబడ్డీ, వాలీబాల్, హాకీ, ఖోఖో, అథ్లెటిక్స్ విభాగాలలో పోటీలు జరగనున్నాయి. ఎల్కతుర్తి మండలం నుండి ఈ క్రీడలలో పాల్గొనదలచిన క్రీడాకారులు ఈ నెల 27వ తేదీ లోపు తమ జట్ల వివరాలను అందజేసి నమోదు చేసుకోవాలని సూచించారు.
ఎల్కతుర్తి మండలం తరఫున నమోదులను సమన్వయం చేస్తున్న మంతుర్తి శ్రీకాంత్ యాదవ్ మాట్లాడుతూ, యువత పెద్ద సంఖ్యలో పాల్గొని ఈ అవకాశాన్ని సద్వినియోగం చేసుకోవాలని కోరారు. క్రీడల ద్వారా యువతలో శారీరక దృఢత్వం, క్రమశిక్షణ, జట్టు భావన పెంపొందుతాయని తెలిపారు.
నమోదు చేసుకున్న జట్లకు ఈ నెల 28న చీటి ద్వారా జట్ల క్రమాన్ని నిర్ణయించి, మార్చి 1 నుండి 3 వరకు హుస్నాబాద్ ప్రభుత్వ క్రీడా మైదానంలో అసెంబ్లీ స్థాయి పోటీలు నిర్వహించబడతాయి. ఇందులో మొదటి మరియు రెండవ స్థానాలలో నిలిచిన జట్లు పార్లమెంటు స్థాయి పోటీలకు ఎంపిక చేయబడతాయి. ఆ పోటీలు మార్చి 5 నుండి 7 వరకు నిర్వహించబడతాయి.
పార్లమెంటు స్థాయిలో విజేతలైన మొదటి మరియు రెండవ జట్లకు మార్చి 8న బండి సంజయ్ కుమార్ గారి చేతుల మీదుగా ప్రశంసాపత్రాలు మరియు బహుమతులు అందజేయబడతాయి.
ఈ పోటీలకు ఎటువంటి ప్రవేశ రుసుము లేదని, వయస్సుకు పరిమితి లేదని నిర్వాహకులు స్పష్టం చేశారు.
నమోదు కోసం సంప్రదించవలసిన వారు:
మంతుర్తి శ్రీకాంత్ యాదవ్ – 9704646902
చదిరం రాకేష్ – 9866126897
ఎం. తిరుపతి – 9381130846
క్రీడాప్రియులు ఈ అవకాశాన్ని వినియోగించుకోవాలని విజ్ఞప్తి చేశారు.
Comments