గ్రామ పాఠశాల అభివృద్ధికి సర్పంచు ముందడుగు

సర్పంచ్ ఆధ్వర్యంలో పాఠశాల పనుల ప్రారంభం

పెద్దమందడి,ఫిబ్రవరి25(తెలంగాణ ముచ్చట్లు):

పెద్దమందడి మండలం మణిగిళ్ల గ్రామంలోని ప్రభుత్వ పాఠశాలలో అభివృద్ధి పనులకు శ్రీకారం చుట్టారు.గ్రామ సర్పంచ్ పలుస శ్రీనివాస్ గౌడ్ ఆధ్వర్యంలో విద్యార్థుల కోసం వేదిక నిర్మాణం మరియు బాలికల కోసం మరుగుదొడ్ల నిర్మాణ పనులు బుధవారం ప్రారంభమయ్యాయి.ఈ సందర్భంగా సర్పంచ్ పలుస శ్రీనివాస్ గౌడ్ మాట్లాడుతూ.. గ్రామ పాఠశాల అభివృద్ధి తమ ప్రధాన లక్ష్యమని తెలిపారు. విద్యార్థులకు అవసరమైన మౌలిక సదుపాయాలు కల్పించేందుకు గ్రామ పంచాయతీ కట్టుబడి ఉందని పేర్కొన్నారు.ఈ కార్యక్రమంలో పోతుల రామిరెడ్డి, గొంది ప్రతాపరెడ్డి, సింగిల్ విండో డైరెక్టర్ సుంచరమోని వెంకయ్య, ఎం. రామ్ రెడ్డి, ఎం. శ్రీకాంత్ రెడ్డి, బీకే నాయుడు తదితరులు పాల్గొన్నారు.