ఎల్కతుర్తి. ఫిబ్రవరి 25 (తెలంగాణ ముచ్చట్లు):
హన్మకొండ జిల్లా, ఎల్కతుర్తి మండలం వల్లభాపూర్ గ్రామంలో కల్లు గీత సహకార సంఘం ఎన్నికలు శాంతియుత వాతావరణంలో విజయవంతంగా నిర్వహించబడ్డాయి. మండల కేంద్రంలోని ముదిరాజ్ సంఘం భవనంలో ఎన్నికల అధికారి రావుల రంజిత్ కుమార్ ఆధ్వర్యంలో ఈ ఎన్నికలు జరిగాయి.
ఈ సందర్భంగా సంఘం అధ్యక్షుడిగా చిర్ర చక్రపాణి గౌడ్ ఏకగ్రీవంగా ఎన్నికయ్యారు. ఉపాధ్యక్షుడిగా చిర్ర రవీందర్ గౌడ్, క్యాషియర్గా మామిడి సారంగపాణి గౌడ్ ఎన్నికయ్యారు.
ఎన్నికైన నూతన కమిటీ సభ్యులను గ్రామ పెద్దలు, సంఘ సభ్యులు అభినందిస్తూ సంఘ అభివృద్ధి కోసం కృషి చేయాలని ఆకాంక్షించారు.
సంఘ బలోపేతం, కార్మికుల సంక్షేమం, పారిశ్రామిక పురోగతి దిశగా సమిష్టిగా పనిచేస్తామని నూతన కమిటీ సభ్యులు తెలిపారు.
Comments