వేలేరు, ఫిబ్రవరి 25 (తెలంగాణ ముచ్చట్లు):
వేలేరు మండలం పీచర గ్రామానికి చెందిన పోచవ్వ–రమేష్ల కుమార్తె మమత వివాహం సోడాషాపల్లి ఎస్ఎస్ ఫంక్షన్ హాల్లో ఘనంగా నిర్వహించారు. ఈ కార్యక్రమానికి ముఖ్య అతిథిగా హాజరైన పీచర గ్రామ సర్పంచ్ మరిజె అనిత నర్సింహారావు ఎన్నికల సమయంలో ఇచ్చిన హామీని నిలబెట్టుకున్నారు.
ఎన్నికల వేళ గ్రామంలోని ప్రతి ఆడబిడ్డ వివాహానికి రూ. 5,116 ఆర్థిక సహాయం అందిస్తానని ప్రకటించిన ఆమె, మమత వివాహ సందర్భంగా ఆ మొత్తాన్ని అందజేశారు. ఇచ్చిన హామీలను వరుసగా అమలు చేస్తుండటంతో గ్రామ ప్రజలు హర్షం వ్యక్తం చేస్తున్నారు.
ఈ కార్యక్రమంలో ఉపసర్పంచ్ గుడికందుల ప్రశాంత్, వార్డు సభ్యులు కొలిపాక వెంకటేష్, ఉప్పుల శ్రీధర్ రెడ్డి, శ్రీకాంత్, జగన్ తదితరులు పాల్గొన్నారు.
Comments