శ్రీధర్ బాబు జన్మదిన వేడుకలు.

హుజురాబాద్, మే 30 (తెలంగాణ ముచ్చట్లు): 

తెలంగాణ రాష్ట్ర ఐటీ, పరిశ్రమల శాఖ మంత్రి శ్రీ దుద్దిళ్ల శ్రీధర్ బాబు గారి జన్మదిన వేడుకలను హుజురాబాద్ కాంగ్రెస్ పార్టీ నాయకులు, కార్యకర్తలు ఘనంగా నిర్వహించారు. పట్టణంలోని కాంగ్రెస్ పార్టీ కార్యాలయంలో జరిగిన ఈ కార్యక్రమంలో మున్సిపల్ చైర్‌పర్సన్ రొంటాల సుహాసిని, కౌన్సిలర్లు, పార్టీ నాయకులు, కార్యకర్తలు పెద్ద సంఖ్యలో పాల్గొని కేక్ కట్ చేసి మంత్రికి జన్మదిన శుభాకాంక్షలు తెలిపారు.
ఈ సందర్భంగా చైర్‌పర్సన్ రొంటాల సుహాసిని మాట్లాడుతూ మంత్రి శ్రీధర్ బాబు రాష్ట్ర అభివృద్ధి, ప్రజా సంక్షేమం కోసం నిరంతరం కృషి చేస్తున్న నాయకుడని కొనియాడారు. ఐటీ రంగ అభివృద్ధి, యువతకు ఉపాధి అవకాశాల కల్పన, పెట్టుబడుల ఆకర్షణలో ఆయన కీలక పాత్ర పోషిస్తున్నారని అన్నారు. ప్రజల సమస్యల పరిష్కారంలో మంత్రి ఎల్లప్పుడూ ముందుంటూ ప్రజల మన్ననలు పొందుతున్నారని పేర్కొన్నారు.
కాంగ్రెస్ పార్టీ నాయకులు మాట్లాడుతూ తెలంగాణ రాష్ట్ర పురోగతికి శ్రీధర్ బాబు చేస్తున్న సేవలు ఆదర్శప్రాయమని తెలిపారు. ఆయనకు మంచి ఆరోగ్యం, దీర్ఘాయుష్షు కలగాలని ఆకాంక్షిస్తూ జన్మదిన శుభాకాంక్షలు తెలియజేశారు. అనంతరం కేక్ కట్ చేసి మిఠాయిలు పంపిణీ చేశారు.
ఈ కార్యక్రమంలో మున్సిపల్ కౌన్సిలర్లు, కాంగ్రెస్ పార్టీ పట్టణ, మండల నాయకులు, మహిళా కాంగ్రెస్ నాయకులు, యువజన కాంగ్రెస్ ప్రతినిధులు, కార్యకర్తలు మరియు అభిమానులు పాల్గొని వేడుకలను ఉత్సాహంగా నిర్వహించారు. మంత్రి శ్రీధర్ బాబు మరిన్ని ఉన్నత శిఖరాలను అధిరోహించాలని ఆకాంక్షిస్తూ ప్రత్యేక శుభాకాంక్షలు తెలిపారు.