కొత్త పదవులతో కాంగ్రెస్ నేతల్లో ఆనందం.. శుభాకాంక్షలు తెలిపిన పార్టీ శ్రేణులు.

పెద్దమందడి,మే28(తెలంగాణ ముచ్చట్లు):

వనపర్తి జిల్లా పెద్దమందడి మండలం కాంగ్రెస్ పార్టీ అధ్యక్షుడిగా ఎన్నికైన కొమ్ము వెంకటస్వామిని, పెద్దమందడి–ఖిల్లా ఘనపూర్ మండలాల మార్కెట్ యార్డ్ వైస్ చైర్మన్‌గా నియమితులైన వెంకటేశ్వర రెడ్డిని కాంగ్రెస్ పార్టీ నాయకులు ఘనంగా సన్మానించి శుభాకాంక్షలు తెలిపారు.ఈ సందర్భంగా పార్టీ నాయకులు మాట్లాడుతూ.. కొత్త బాధ్యతలతో పార్టీ మరింత బలోపేతం అవుతుందని ఆశాభావం వ్యక్తం చేశారు.కొమ్ము వెంకటస్వామి మండలంలో పార్టీ అభివృద్ధికి కృషి చేయాలని, వెంకటేశ్వర రెడ్డి రైతుల సమస్యల పరిష్కారానికి కట్టుబడి పనిచేయాలని ఆకాంక్షించారు.సన్మానానికి స్పందించిన కొమ్ము వెంకటస్వామి, వెంకటేశ్వర రెడ్డి మాట్లాడుతూ.. తమపై నమ్మకం ఉంచి బాధ్యతలు అప్పగించిన పార్టీ అధిష్టానానికి కృతజ్ఞతలు తెలిపారు. పార్టీ అభివృద్ధి, ప్రజాసేవ కోసం నిరంతరం కృషి చేస్తామని హామీ ఇచ్చారు.ఈ కార్యక్రమంలో మార్కెట్ యార్డ్ వైస్ చైర్మన్ రామకృష్ణారెడ్డి, మాజీ జెడ్పిటిసి రమేష్ గౌడ్, సర్పంచులు సూర్య గంగా రవి, స్వరూప, రాములు యాదవ్, వెంకటేష్, మాజీ సర్పంచులు శ్రీనివాస్ రెడ్డి, సిద్దయ్య, త్రినాథ్, బాబు రెడ్డి, శ్రీశైలం, రాఘవేందర్, నరేష్, ప్రవీణ్ రెడ్డి, మల్లికార్జున్, ప్రేమ్ సాగర్, మొగిలయ్య, ఉషన్న, సుదర్శన్ రెడ్డి,  కాంగ్రెస్ పార్టీ నాయకులు, కార్యకర్తలు, పాల్గొన్నారు.