పెద్దమందడి,మే28(తెలంగాణ ముచ్చట్లు):
వనపర్తి జిల్లా పెద్దమందడి మండలం పామిరెడ్డి పల్లి గ్రామంలో బక్రీద్ పండుగ సందర్భంగా గ్రామ సర్పంచ్ శ్రీమతి మధిర మంజుల శ్రీశైలం ముస్లిం సోదరులకు ఈద్ ముబారక్ శుభాకాంక్షలు తెలిపారు.ఈ సందర్భంగా ఆమె మాట్లాడుతూ బక్రీద్ పండుగ ఐక్యత, త్యాగం, సోదరభావానికి ప్రతీకగా నిలుస్తుందని పేర్కొన్నారు.మత భేదాలు లేకుండా ప్రతి ఒక్కరూ పరస్పర ప్రేమాభిమానాలతో పండుగలను జరుపుకోవడం సమాజానికి మంచి సందేశమని అన్నారు.గ్రామ ప్రజలందరూ సుఖసంతోషాలతో, ఆరోగ్యంగా ఉండాలని ఆకాంక్షించారు. ఈ కార్యక్రమంలో గ్రామ ప్రజలు, ముస్లిం సోదరులు పాల్గొన్నారు.
Comments